قازاقستاندىق تەننيسشٸلەر رولان گارروس تۋرنيرٸندە جۇپتىق بەسەكەلەرٸن سەتتٸ ٶتكٸزۋدە, دەپ حابارلايدى "ۇلت اقپارات".
قازاقستاننىڭ بٸرٸنشٸ, ەلەمنٸڭ 22-راكەتكاسى ەلەنا رىباكينا بٷگٸن باستاپقى كەزدەسۋٸن رەسەيلٸك اناستاسييا پاۆليۋچەنكوۆامەن بٸرگە بەلگييالىقتار گرەتە ميننەن - ەليسون ۆان ەيتۆانكپەن ٶتكٸزدٸ.
قازاقستاندىق-رەسەيلٸك جۇپ قارسىلاستارىن 6:1, 6:2 ەسەبٸمەن تاس-تالقان ەتتٸ.
ولار ەكٸنشٸ اينالىمدا اۋسترالييالىقتار ستورم ساندەرس - ايلا تومليانوۆيچ نەمەسە رەسەيلٸكتەر ەكاتەرينا الەكساندروۆا - يانا سيزيكوۆا جۇپتارىنىڭ قاي جەڭگەنٸمەن كەزدەسەدٸ.
تاعى بٸر رەسەيلٸك ۆارۆارا گراچەۆامەن جۇپتاسقان زارينا ديياس وسىنىڭ الدىندا العاشقى اينالىمدا امەريكالىقتار كەيتلين كريستيان - سابرينا سانتامارييانى 6:3, 7:5 ەسەبٸمەن تٸزە بٷكتٸردٸ. ولاردىڭ ەندٸگٸ قارسىلاستارى - پولشا ٶكٸلٸ ماگدا لينەتت - امەريكالىق بەرناردا پەرا.
ەسكە سالا كەتەيٸك, بۇدان بۇرىن يۋ.پۋتينتسەۆانىڭ جۇپتىق سىندا ەكٸنشٸ اينالىمعا ٶتكەنٸن, ە.رىباكينانىڭ العاش رەت ٷشٸنشٸ اينالىمعا شىققانىن جازعان بولاتىنبىز.
يۋ.پۋتينتسەۆا رۋمىنييالىق اندرەا ميتۋمەن بٸرگە ەكٸنشٸ اينالىمدا امەريكالىق نيكەل مەليچار - نيدەرلاندىلىق دەمي سحيۋرسپەن كٷش سىناسادى.
