Qazaqstandyq tennisshiler Rolan Garros týrnirinde juptyq básekelerin sátti ótkizýde, dep habarlaidy "Ult aqparat".
Qazaqstannyń birinshi, álemniń 22-raketkasy Elena Rybakina búgin bastapqy kezdesýin reseilik Anastasiia Pavliýchenkovamen birge belgiialyqtar Grete Minnen - Elison Van Eitvankpen ótkizdi.
Qazaqstandyq-reseilik jup qarsylastaryn 6:1, 6:2 esebimen tas-talqan etti.
Olar ekinshi ainalymda aýstraliialyqtar Storm Sanders - Aila Tomlianovich nemese reseilikter Ekaterina Aleksandrova - Iana Sizikova juptarynyń qai jeńgenimen kezdesedi.
Taǵy bir reseilik Varvara Grachevamen juptasqan Zarina Diias osynyń aldynda alǵashqy ainalymda amerikalyqtar Keitlin Kristian - Sabrina Santamariiany 6:3, 7:5 esebimen tize búktirdi. Olardyń endigi qarsylastary - Polsha ókili Magda Linett - amerikalyq Bernarda Pera.
Eske sala keteiik, budan buryn Iu.Pýtintsevanyń juptyq synda ekinshi ainalymǵa ótkenin, E.Rybakinanyń alǵash ret úshinshi ainalymǵa shyqqanyn jazǵan bolatynbyz.
Iu.Pýtintseva rýmyniialyq Andrea Mitýmen birge ekinshi ainalymda amerikalyq Nikel Melichar - niderlandylyq Demi Shiýrspen kúsh synasady.
