ريشي سۋناك بريتانييانىڭ كونسەرۆاتورلار پارتيياسىنىڭ جەتەكشٸسٸ بولىپ سايلاندى. بۇل ونىڭ الداعى كٷندەرٸ ۇلىبريتانييا پرەمەر-مينيسترٸ بولاتىنىن بٸلدٸرەدٸ. سۋناك قاۋىمدار پالاسىنداعى كونسەرۆاتورلاردىڭ كٶپشٸلٸك داۋىسىن الدى. ونىڭ بەسەكەلەسٸ, قاۋىمدار پالاتاسىنداعى كونسەرۆاتورلار جەتەكشٸسٸ پەنني موردونت جارىستان شىعاتىنىن حابارلادى. بۇعان دەيٸن بۇرىنعى پرەمەر-مينيستر بوريس دجونسون دا بەسەكەدەن باس تارتقان, دەپ جازادى ازاتتىق.
سۋناك نەبەرٸ 44 كٷن پرەمەر بولىپ, وتستاۆكاعا كەتكەن ليز تراسستىڭ ورنىنا كەلەدٸ.
بولاشاق پرەمەر تاياۋ كٷندەرٸ قاۋىمدار پالاتاسىندا رەسمي مەلٸمدەمە جاسايدى. كونسەرۆاتورلار پارتيياسىنىڭ جەتەكشٸلٸگٸ سۋناكتىڭ پارتييا تٶراعالىعىنا سايلاۋىندا قالعان جالعىز كانديدات ەكەنٸن قازٸردٸڭ ٶزٸندە راستاپ وتىر, دەمەك ول اۆتوماتتى تٷردە پرەمەر بولادى دەگەن سٶز.
42 جاستاعى ريشي سۋناك ۇلىبريتانييانىڭ ارعى تەگٸ وڭتٷستٸك ازييالىق العاشقى پرەمەر-مينيسترٸ بولادى. ونىڭ اتا-اناسى 1960 جىلدارى شىعىس افريكادان ۇلىبريتانيياعا ەميگراتسيامەن كەلگەن ٷندٸلەر. سۋناك وكسفورد پەن ستەنفوردتا وقىعان, سوندا جٷرٸپ ٷندٸ ميللياردەرٸنٸڭ قىزى اكشات مۋرتيمەن تانىسىپ, ٷيلەنگەن. وقۋىن اياقتاعان سوڭ Goldman Sachs ينۆەستيتسييالىق بانكٸندە جۇمىس ٸستەگەن. قازٸر ەيەلٸ ەكەۋٸ بريتانييا بايلارىنىڭ رەيتينگٸندە 222-شٸ ورىندا تۇر. ەكٸ قىزى بار.
سۋناك 2015 جىلدان بەرٸ قاۋىمدار پالاتاسىنا ٷش رەت سايلانعان. 2016 جىلى ۇلىبريتانييانىڭ ەۋروپا وداعىنان شىعاراتىن برەكزيتتٸ قولداعان. 2019 جىلى ۇلىبريتانييا پرەمەر-مينيسترٸ ٷشٸن كٷرەستە بوريس دجونسوندى قولداعان. دجونسون جەڭگەن سوڭ سۋناك ۇلىبريتانييا قازىناشىلىعىنىڭ باس حاتشىلىعىنا تاعايىندالعان, 2020 جىلدىڭ اقپانىنان وسى مينيسترلٸكتٸ باسقاردى.
ساراپشىلار سۋناك قارجى مينيسترٸ رەتٸندە ۇلىبريتانييا COVID-19 ٸندەتٸنەن سەتتٸ الىپ ٶتتٸ دەپ سانايدى. 2022 جىلى شٸلدەدە دجونسوننىڭ ەكونوميكالىق ساياساتىمەن كەلٸسپەي وتستاۆكاعا كەتكەن. ساراپشىلار دجونسون ٷكٸمەتٸنٸڭ قۇلدىراۋىنا سۋناكتىڭ قىزمەتٸنەن كەتكەنٸ دە ەسەر ەتتٸ دەپ باعالاعان.
20 قازاندا ليز تراسس ۇلىبريتانييا پرەمەر-مينيسترٸ قىزمەتٸنەن وتستاۆكاعا كەتكەن. ول نەبەرٸ 44 كٷن عانا پرەمەر بولدى. سۋناك ونىڭ نەگٸزگٸ بەسەكەلەسٸ بولعان ەدٸ.
