رينات زايىتوۆ ايتىسىپ تۇر. الماتى, 20 ناۋرىز 2013 جىل. (كٶرنەكٸ سۋرەت)
ايتىسكەر رينات زايىتوۆ ەرٸپتەستەرٸن «ستسەنارييدەن شىعا الماي قالدى» دەپ ايىپتايدى. ايتىستىڭ ساپاسى ەلسٸرەپ بارا جاتقانىن مويىنداعان اقىندار ونىڭ باسقا سەبەبٸ بارىن ايتادى.
ايتىسكەر اقىن رينات زايىتوۆ «1980 جىلدارى بولماعان تسەنزۋرا بٷگٸنگٸ ايتىستا بار» دەپ الاڭدايدى.
– بٷگٸنگٸ ايتىستا ۇيىمداستىرۋشىلاردىڭ نەمەسە بٸرەۋدٸڭ كٶڭٸلٸنە جاقپايتىن سٶز ايتساڭ, ەرتەسٸندە جينالىسقا سالادى نە «كەلەسٸ ايتىسقا قاتىستىرمايمىز» دەپ قورقىتادى, – دەدٸ ول ٶتكەن اپتادا الماتىلىق ستۋدەنتتەرگە «بٷگٸنگٸ ايتىس» تاقىرىبىندا وقىعان قوعامدىق لەكتسيياسىندا.
ستۋدەنتتەرٸ ايتىسكەر اقىن رينات زايىتوۆتىڭ قوعامدىق لەكتسيياسىندا وتىر. الماتى, 6 قازان 2016 جىل.
ايتىس ٶنەرٸن «قاي زاماننان بەرٸ تەۋەلسٸز, ٶز قوعامىنىڭ كەمشٸلٸكتەرٸن, جەتٸستٸكتەرٸن, ٸندەتتەرٸن ايتاتىن ورتا بولعان» دەپ سيپاتتاعان رينات زايىتوۆ قازٸرگٸ ايتىسكەرلەردٸ «الدىن الا بەلگٸلەنگەن ستسەناريي بويىنشا جىرلاپ شىعادى» دەپ ايىپتادى.
– ايتىستىڭ بٷگٸنگٸ ەڭ باستى قاسٸرەتٸ – اقىننىڭ جەكە ۇستامى بولماۋى, ايتىستاعى ويلاردى بٸرەۋدٸڭ قاداعالاپ وتىرۋى, ايتىستاعى ايتىلعان پٸكٸرلەرگە قارسى ساحنانىڭ سىرتىنا شىعىپ ٶزگە بٸرەۋلەردٸڭ پٸكٸرلەرٸن ايتۋى. «ەل الىپ جاتقان كٶلٸكتٸ مەن نەگە المايمىن» دەگەن ويمەن اقيقات ٷشٸن ەمەس, دٷنيە ٷشٸن ايتىساتىن اقىندار كٶبەيٸپ كەتتٸ, – دەيدٸ رينات زايىتوۆ.
ول «ايتىسكەرلەر ۇيىمداستىرۋشىلاردىڭ ىقپالىنان شىعا الماي, وسى بەتٸمەن كەتە بەرسە, بەس جىلدان كەيٸن ٷش مىڭ ورىندىقتى سارايدا ٷش جٷز ادام وتىراتىن دەڭگەيگە جەتەمٸز» دەپ قاۋٸپتەنەدٸ.
«ايتىستىڭ ساپاسى قۇلدىراپ بارادى»
بٸراق رينات زايىتوۆتىڭ ەرٸپتەستەرٸنٸڭ بٸرٸ, ايتىس اقىنى باقىت جاعىپارۇلى «ايتىس اقىندارى اقيقاتتى ايتپاي جٷر» دەگەن پٸكٸرمەن كەلٸسپەيدٸ.
– بٸرنەشە جىل بۇرىن ايتىسقا شەكتەۋ قويدى. ەگەر ايتىس اقيقاتتى ايتپاسا, ول شەكتەۋ نەگە قويىلدى? ەرينە, اقيقات اششى ايتىلعاننان كەيٸن [شەكتەدٸ], – دەيدٸ ول.
باقىت جاعىپارۇلى ايتىسىپ وتىر. استانا, 8 شٸلدە 2013 جىل.
الايدا باقىت جاعىپارۇلى ايتىستا اقيقاتتى ايتۋدى «سارى باسىلىم دەڭگەيٸندە «اناۋ – جامان, مىناۋ – جامان» دەپ ايعايلاۋ ەمەس, كەتكەن كەمشٸلٸكتٸ استارلاپ, ورايىن تاۋىپ جەتكٸزۋ» دەپ سيپاتتايدى.
– بۇل – بۇرىننان بار نەرسە. ٶيتكەنٸ اقىن ٶز ويىن ايتا الماسا, ونىڭ نەسٸ ايتىس. ايتىسكەر ساحناعا شىققاننان كەيٸن ٶز ويىن قالايدا بولسا ايتادى. «ايتا المايدى» دەگەن – بوس سٶز. بٸراق اقيقاتتى ايتۋ – ايعايلاۋ ەمەس, – دەيدٸ ايتىسكەر.
باقىت جاعىپارۇلى دا قازٸرگٸ ايتىستىڭ كٶركەمدٸك دەڭگەيٸ تٶمەندەپ كەتكەنٸن ايتادى. ونىڭ پٸكٸرٸنشە, كەيبٸر اقىنداردىڭ بٸر ايتىستان كەيٸن ەكٸنشٸ ايتىسقا دايىندىقسىز بارا بەرۋٸ بۇل ٶنەردٸڭ ساپاسىن ەلسٸرەتەدٸ.
– ايتىسقا دايىندىقسىز كەلەتٸن ايتىسكەرلەر تاقىرىپقا تەرەڭدەمەي, جەڭٸل-جەلپٸ ەزٸلمەن نە الدىڭعى ايتىستا ايتقانىن قايتالاۋمەنەن شەكتەلەدٸ. سونىڭ سالدارىنان ايتىستىڭ ساپاسى قۇلدىراپ بارادى, – دەيدٸ ول.
اقىندار ايتىسىنىڭ بٸرٸنٸڭ جٷلدەگەرلەرٸ. استانا, 8 جەلتوقسان 2013 جىل. (كٶرنەكٸ سۋرەت)
باقىت جاعىپارۇلىنىڭ «ايتىسكەر اقىنداردىڭ اراسىندا ٶزٸن-ٶزٸ قايتالاۋشىلار بار» دەگەن پٸكٸرٸمەن ايتىس ٶنەرٸن زەرتتەپ جٷرگەن عالىم تەمٸرحان تەبەگەنوۆ تە كەلٸسەدٸ. كەيٸنگٸ بٸرەر جىلدا رەسپۋبليكالىق دەڭگەيدە ٶتكەن ايتىستاردىڭ تۇراقتى قازىلارىنىڭ بٸرٸ بولىپ جٷرگەن عالىم «ايتىستا جاتتاندى جىرلاردىڭ كٶرٸنٸپ قالاتىنىن» راستايدى.
– ەكٸ قارسىلاس ساحناعا شىققان كەزدە ولاردىڭ كٸرٸسپە سٶزدەرٸندە, ويلارىن قورىتقان كەزدە, اراسىندا بٸر جەلدٸرتٸپ الاتىن تۇستارىندا دايىن مەتٸن ەكەنٸ كٶرٸنٸپ قالادى. بٸزدٸڭ اقىنداردىڭ باستى كەمشٸلٸكتەرٸ – وسى, – دەيدٸ تەمٸرحان تەبەگەنوۆ.
عالىم ايتىسكەر رينات زايىتوۆتىڭ ايتىس ساپاسىنا جٷلدە دە ەسەر ەتەتٸنٸ جايلى پٸكٸرٸمەن كەلٸسەدٸ.
– بٷگٸنگٸ ايتىستىڭ دەڭگەيٸن تٷسٸرٸپ وتىرعان – جٷلدە. سول سەبەپتٸ ايتىسقا كٶلٸك تٸككەندٸ قويۋ كەرەك, – دەيدٸ تەمٸرحان تەبەگەنوۆ.
سۋىرىپ سالىپ ايتىسۋ ٶنەرٸ قازاقستاندا 1950 جىلدارى جاڭاشا جاڭعىرىپ, سوۆەت كەزەڭٸندە نەگٸزٸنەن قازاق تٸلدٸ اۋديتورييا ورتاسىندا ەرەكشە تانىمال بولعان. 1991 جىلدان بەرٸ ايتىسكەر اقىندار كٶرەرمەننٸڭ قولداۋىن تابۋ ٷشٸن ٶتكٸر ەلەۋمەتتٸك-ساياسي مەسەلەلەردٸ جيٸ كٶتەرگەن. 2000 جىلداردىڭ ورتاسىنان باستاپ قازاقستان بيلٸگٸ ايتىستى «بەيساياسيلاندىرۋعا» كٷش سالعان. مەدەنيەت جەنە اقپارات مينيسترلٸگٸ ايتىس ەكٸمشٸلٸك بٶلٸمٸن اشىپ, استاناداعى قازاق ۇلتتىق ٶنەر ۋنيۆەرسيتەتٸ ايتىس اقىندارىن دايارلاۋ ٷشٸن تالاپكەرلەر قابىلداي باستاعان. ايتىس تەلەديداردان كٶپ كٶرسەتٸلمەي, بٸرقاتار اقىندار رەسپۋبليكالىق ايتىستاردان شەتتەتٸلگەن.
نۇرتاي لاحانۇلى, "ازاتتىق"
