ريم پاپاسى فرانتسيسك تاريحتا تۇڭعىش رەت بٸرٸككەن اراب ەمٸرلٸكتەرٸنە ساپارمەن باردى. جەكسەنبٸدە باستالعان ريم پاپاسىنىڭ ٷش كٷندٸك ساپارىنىڭ ماقساتى – دٸنارالىق ديالوگ جٶنٸندەگٸ كونفەرەنتسيياعا قاتىسۋ.
اقساقالدار مۇسىلمان كەڭەسٸ اياسىندا ۇيىمداستىرىلعان كونفەرەنتسييادا دٸني فاناتيزمگە قارسى كٷرەس تالقىلانادى. جيىن ٶتكٸزۋ تۋرالى باستامانى ەگيپەتتەگٸ ەل-ازحار ۋنيۆەرسيتەتٸنٸڭ يمامى احمەد ەل-تايەب كٶتەرگەن. بۇعان دەيٸن پاپا فرانتسيسك ونىمەن بٸرنەشە رەت كەزدەسكەن.
ساپار كەزٸندە ريم كاتوليك شٸركەۋٸنٸڭ باسشىسى بٸرٸككەن اراب ەمٸرلٸكتەرٸندەگٸ مۇسىلمان جەنە بۋدديزم قاۋىمداستىقتارى ٶكٸلدەرٸمەن, تاق مۇراگەرٸ حانزادا مۇحاممەد يبن زايد ەل ناحاييانمەن كەزدەسەدٸ. سونىمەن بٸرگە پونتيفيك بٸرٸككەن اراب ەمٸرلٸكتەرٸندە تۇراتىن, جالپى سانى 900 مىڭعا جۋىق ادامدى قۇرايتىن (شامامەن ەل تۇرعىندارىنىڭ وننان بٸر بٶلٸگٸ) كاتوليكتەر قاۋىمداستىعىنىڭ جاي-كٷيٸمەن تانىسپاق.
5 اقپاندا فرانتسيسك ەبۋ-دابيدە قۇدايعا قۇلشىلىق رەسٸمٸن ٶتكٸزەدٸ, وعان 130 مىڭ بيلەت تٷگەلدەي ساتىلىپ كەتكەن دەپ حابارلايدى RFI.
