حالىقارالىق فرانتسۋز راديوسى (RFI) ورتالىق افريكا رەسپۋبليكاسىنداعى رەسەيلٸك جالدامالى ەسكەردٸڭ قاتىگەز ەرەكەتتەرٸ جايلى زەرتتەۋ جارييالادى. زەرتتەۋدە قىلمىسقا كۋە بولعان ونداعان ادامنىڭ كۋەلٸگٸ دە بار.
مەسەلە ورتالىق افريكا رەسپۋبليكاسىندا (وار) ٷكٸمەت ارميياسى جاعىندا سوعىسىپ جاتقان ٷش ەسكەري توپ: "ۆاگنەر", Sewa Security Services جەنە Lobaye Invest SARLU جٶنٸندە بولىپ وتىر. RFI مەلٸمەتٸنشە, بۇل توپ مٷشەلەرٸ بەيبٸت تۇرعىنداردى ازاپتاپ, ٶلتٸرەدٸ, زورلىق-زومبىلىقپەن, توناۋمەن اينالىسادى.
ماتەريالداعى نەگٸزگٸ اقپارات كٶزٸ – بۇۇ-نىڭ ارنايى جۇمىس توبىنىڭ افريكاداعى جالدامالى ەسكەر جايلى بايانداماسى. ونداعى اقپاراتقا سٷيەنسەك, بيىلدىڭ ٶزٸندە قاڭتار مەن سەۋٸر ايىندا رەسەيلٸك ەسكەري قىزمەتكەرلەر 26 ادامدى سوتسىز دارعا اسقان, 5 ادامدى توپ بولىپ زورلاعان, 27 رەت ادامداردى زاڭسىز قاماپ, ازاپتاعان.
زەرتتەۋدە بٸرقاتار قىلمىستار ەگجەي-تەگجەيلٸ باياندالادى: قاڭتار ايىندا ازىق-تٷلٸك تاۋارلارىن تاسىمالداعان جٷك كٶلٸگٸن اتقىلاۋ كەزٸندە ٷش بەيبٸت تۇرعىن قازا بولعان, اقپان ايىنىڭ ورتاسىندا ٷش بەيبٸت تۇرعىن مەشٸتتە دارعا اسىلعان, 25 اقپاندا جەرگٸلٸكتٸ تۇرعىن 24 جاستاعى ەيەلدٸ ەسكەري توپ مٷشەلەرٸ توپ بولىپ زورلاعان.
رەسەيدٸڭ ورتالىق افريكاداعى ەلشٸلٸگٸ زەرتتەۋگە قاتىستى تٷسٸنٸكتەمە بەرمەدٸ. بٸراق وسىعان دەيٸن بۇۇ-نىڭ جۇمىس توبىنىڭ بايانداماسىندا ايتىلعان جايتتاردى "ارانداتۋ" دەپ اتاعان. ديپميسسييا ٶكٸلدەرٸ سونىمەن بٸرگە بۇۇ ساراپشىلارى "بۇلتارتپايتىن ايعاق" كەلتٸرمەدٸ دەپ سانايدى.
- ورتالىق افريكا رەسپۋبليكاسىندا 2013 جىلدان باستاپ ەرەۋٸلشٸلەر مەن بيلٸك اراسىندا قارۋلى قاقتىعىس جالعاسىپ كەلەدٸ. رەسەي وار پرەزيدەنتٸنە كٶمەكتەسۋ ٷشٸن ەسكەري كەڭەسشٸلەرٸ مەن جالدامالى ەسكەري قىزمەتكەرلەرٸن جٸبەرٸپ وتىرادى. باتىس اقپارات قۇرالدارىنىڭ حابارلاۋىنشا, وندا رەسەيلٸك جالدامالىلاردىڭ سانى ەكٸ مىڭعا جۋىقتاۋى مٷمكٸن. ولار ٷكٸمەت ارميياسى جاعىندا سوعىسىپ, ستراتەگييالىق نىساندار مەن نەگٸزگٸ باقىلاۋ پۋنكتەرٸن كٷزەتەدٸ. ال كرەمل مۇنى جوققا شىعارادى. رەسەيدٸڭ وار-داعى ەلشٸسٸ وندا 535 رەسەيلٸك "ينسترۋكتور" بارىن, بٸراق ولاردىڭ ەسكەري وپەراتسييالارعا قاتىسپايتىنىن ايتقان.
- 2018 جىلى وار-دا ٷش رەسەيلٸك جۋرناليست: ورحان دجەمال, الەكساندر راستورگۋەۆ جەنە كيريلل رادچەنكو ٶلتٸرٸلگەن. ولار رەسەيلٸك جەكە ەسكەري كومپانييا "ۆاگنەر" جايلى زەرتتەۋ فيلم تٷسٸرگەن. "ۆاگنەر" – رەسمي ەمەس رەسەيلٸك ەسكەري جاساق, ول ەسكەري ۆەدومستۆولاردىڭ تٸزٸمٸ مەن زاڭدىق تۇلعالاردىڭ رەەسترٸندە جوق. جۋرناليستٸك زەرتتەۋلەرگە سٷيەنسەك, توپ مٷشەلەرٸ سيريياداعى وپەراتسييالارعا جەنە ۋكراينا شىعىسىنداعى قاقتىعىستارعا قاتىسقان. "ۆاگنەردٸ" رەسەي پرەزيدەنتٸ ۆلاديمير پۋتين اينالاسىندا جٷرگەن كەسٸپكەر ەۆگەنيي پريگوجين قارجىلاندىرادى دەپ ايتىلادى.
- رەسەي تەرگەۋ كوميتەتٸ "جۋرناليستەردٸ ارابتٸلدٸ بەلگٸسٸز قاراقشىلار توبى ٶلتٸرۋٸ مٷمكٸن" دەگەن نۇسقانى العا تارتادى. "دوسە" تەۋەلسٸز زەرتتەۋ ورتالىعى بۇل نۇسقانى جوققا شىعارادى. ولاردىڭ ايتۋىنشا, "ۆاگنەر" باسشىلىعىمەن بايلانىستى ادامدار جۋرناليستەر وار-عا كەلگەننەن كەيٸن ولاردىڭ ٸزٸنە تٷسكەن. زەرتتەۋ توبى جۋرناليستەردٸڭ ٶلٸمٸنە وسى توپتىڭ قاتىسى بار دەپ سانايدى.
