قاسىم-جومارت توقاەۆ ەكٸباستۇز قالاسىنا ٶتٸپ جاتقان مونوقالالاردى دامىتۋ جٶنٸندەگٸ كەڭەستە ەلدەگٸ ەپيدەميولوگييالىق جاعدايدىڭ تۇراقسىز ەكەنٸن ايتتى, دەپ حابارلادى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
"ەپيدەميولوگييالىق جاعداي تۇراقسىز بولىپ وتىر – كٷن سايىن وتىزعا جۋىق ادام قايتىس بولادى. بۇعان ۆاكتسيناتسييا قارقىنىنىڭ تٶمەندەۋٸ ەسەر ەتٸپ وتىر. 9 اي ٸشٸندە حالىقتىڭ شامامەن 40%-تٸ قامتىدى", - دەدٸ پرەزيدەنت.
مەملەكەت باسشىسىنىڭ ايتۋىنشا, كٶپتەگەن ەل حالىقتى قايتا ۆاكتسيناتسييالاۋعا كٸرٸستٸ.
"بٸز ۆاكتسينا سالدىرۋ ناۋقانىن ناۋرىزدا باستاعانىمىزدى ەسكەرسەك, بٸزگە دە رەۆاكتسيناتسييا جاسايتىن ۋاقىت كەلدٸ. ٷكٸمەت پەن ەكٸمدەر حالىقتى قايتا ۆاكتسينالاۋ ناۋقانىنا كٸرٸسۋٸ كەرەك", - دەدٸ توقاەۆ.
ايتا كەتەرٸ, دەنساۋلىق ساقتاۋ مينيسترلٸگٸ قاراشانىڭ ٷشٸنشٸ ونكٷندٸگٸنەن حالىقتى رەۆاكتسيناتسييالاۋدى جوسپارلاپ وتىر. قايتا ۆاكتسينالاۋ كەزٸندە ادامدارعا ۆاكتسينانىڭ تەك بٸر دوزاسى ەگٸلەدٸ.
"كوروناۆيرۋسقا قارسى ۆاكتسينالاۋدىڭ تولىق كۋرسى اياقتالعاننان كەيٸن 6-9 ايدان سوڭ قوسىمشا دوزا سالدىرۋ ۇسىنىلادى", - دەگەن ەدٸ الەكسەي تسوي.
سپۋتنيك V ۆاكتسيناسىن سالدىرعاندار 9 ايدان كەيٸن يناكتيۆتەلگەن Sinopharm, CoronaVac, Hayat-Vax, QazCovid-in نەمەسە Pfizer ۆاكتسيناسىن الا الادى.
ال, كەرٸسٸنشە, Sinopharm, CoronaVac, Hayat-Vax, QazCovid-in ۆاكتسيناسى ەگٸلگەندەرگە 6 ايدان سوڭ ۆەكتورلىق سپۋتنيك V نەمەسە م-رنك-ۆاكتسينا (Pfizer) سالىنادى.
Pfizer سالعىزعاندارعا التى ايدان كەيٸن يناكتيۆتەلگەن Sinopharm, CoronaVac, Hayat-Vax, QazCovid-in نەمەسە ۆەكتورلىق سپۋتنيك ۆاكتسيناسىن قايتا سالۋ ۇسىنىلادى.
