جەكە بالاباقشالار مەن مەملەكەتتٸك بالاباقشالار پەداگوگتارى اراسىندا ەلەۋمەتتٸك تەڭسٸزدٸككە نەگە جول بەرٸلٸپ وتىر? وسى مەسەلەنٸ كٶتەرگەن پارلامەنت مەجٸلٸسٸنٸڭ دەپۋتاتى فاحريددين قاراتاەۆ ٷكٸمەت باسشىسىنا دەپۋتاتتىق ساۋال جولدادى, دەپ حابارلايدى "ۇلت اقپارات".
«مەملەكەتتٸڭ قولداۋىنىڭ ارقاسىندا رەسپۋبليكا بويىنشا 2012 جىلدان باستاپ كٶپتەگەن كەسٸپكەر جەكەمەنشٸك بالاباقشالار اشۋعا بەت بۇرعان بولاتىن. ٶز جۇمىسىن باستاۋ ٷشٸن بانكتەردەن ميلليونداعان تەڭگە نەسيە الىپ, عيماراتتاردى جالعا الىپ, ٶز جۇمىسىن باستاپ, بالاباقشاعا جىلدار بويى بارا الماي, كەزەگٸن كٷتٸپ جٷرگەن مىڭداعان سەبيدٸڭ, اتا-انالاردىڭ ەلەۋمەتتٸك پروبلەمالارىن شەشٸپ, بالالاردىڭ مەكتەپكە دەيٸنگٸ تەربيەمەن قامتىلۋىن جوعارى دەڭگەيگە كٶتەرۋگە قول جەتكٸزدٸ. الايدا سول يگٸ ٸستٸ قولعا العان كەسٸپكەرلەر قازٸر ٷكٸمەتتەن قولداۋ تابا الماي, كٶپتەگەن بالاباقشانىڭ جابىلىپ قالۋ قاۋٸپٸ تٶنٸپ تۇر», - دەيدٸ ول ٷكٸمەت باسشىسىنا جولداعان دەپۋتاتتىق ساۋالىندا.
فاحريددين قاراتاەۆتىڭ ايتۋىنشا, بٸلٸم مينيسترٸنٸڭ 2017 جىلعى 27 قاراشاداعى №597 بۇيرىعىنا سەيكەس 2018 جىلدان باستاپ, جان باسىنا شاققانداعى قارجىلاندىرۋ مٶلشەرٸ 28 280 تەڭگە ەتٸپ بەلگٸلەنگەن. رەسپۋبليكا بويىنشا الماتى وبلىسىندا 31 000 تەڭگە, اقتٶبەدە - 28 800, قاراعاندىدا - 29 300, شىعىس قازاقستاندا - 29 150, تارازدا - 29 344, شىمكەنت قالاسىندا - 28 350, اقتاۋ قالاسىندا 28 350 تەڭگە تٶلەنۋدە.
«ال, تٷركٸستان وبلىسىندا وسى كٷنگە دەيٸن رەسپۋبليكا بويىنشا ەڭ از مٶلشەردە 20 988 تەڭگە ەسەبٸنەن تٶلەنۋدە. سونىڭ ٸشٸندە ماقتاارال, جەتٸساي, كەنتاۋ اۋداندارىندا 18 000-19 000 تەڭگە. اقمولا وبلىسىنىڭ تسەلينوگراد, بۋراباي, زەرەندٸ اۋداندارىندا دا 23 000-25 000 تەڭگە ارالىعىندا جەنە پاۆلودار قالاسىندا 20 246 تەڭگە تٶلەنۋدە. وتاندىق كەسٸپكەرلەر تاراپىنان بۇل مەسەلە تۋرالى 1 جىلدان بەرٸ بارلىق ينستانتسيياعا حات جولدانعانىمەن, ەشقانداي وڭ شەشٸم تاپپادى», - دەدٸ ول.
دەپۋتات پەداگوگتاردىڭ ايلىق جالاقىسى بيىل 25 پايىزعا كٶتەرٸلگەنٸن, پرەزيدەنتتٸڭ بيىلعى جولداۋىندا كەلەسٸ جىلى پەداگوگتاردىڭ جالاقىسىن تاعى دا 25 پايىزعا كٶتەرۋدٸ تاپسىرعانىن ەسكە سالدى.
«سوندا كەسٸپكەرلەر مەملەكەت باسشىسىنىڭ تاپسىرماسىن قالاي ورىندايدى? جەكە بالاباقشالار مەن مەملەكەتتٸك بالاباقشالار پەداگوگتارى اراسىندا ەلەۋمەتتٸك تەڭسٸزدٸككە نەلٸكتەن جول بەرٸلۋدە? بۇل مەسەلە الداعى ۋاقىتتا شەشٸمٸن تاپپاسا رەسپۋبليكا بويىنشا كٶپتەگەن بالاباقشالار جابىلىپ, اتا-انالاردىڭ ەلەۋمەتتٸك مەسەلەسٸ شەشٸلمەي قالاتىنى انىق. سوندىقتان دا, مەملەكەت باسشىسىنىڭ 2020 جىلعى 1 قىركٷيەكتەگٸ جولداۋى مەن بٸلٸم جەنە عىلىم مينيسترٸنٸڭ 2018 جىلعى 31 قازانداعى №597, 598 بۇيرىعىنا سەيكەس, بارلىق وبلىستار بويىنشا جان باسىنا قارجىلاندىرۋ مٶلشەرٸن سەيكەستەندٸرۋ قاجەت دەپ ەسەپتەيمٸز», - دەدٸ فاحريددين قاراتاەۆ.
