رەسەيمەن شەكاراداعى 27 اۆتوموبيل ٶتكٸزۋ بەكەتٸ قايتا قۇرىلادى. بۇل جايىندا قر پرەمەر-مينيسترٸنٸڭ پارلامەنت دەپۋتاتتارى ساۋالىنا بەرگەن جاۋابىندا ايتىلعان, دەپ حابارلايدى "ۇلت اقپارات".
«رەسەي فەدەراتسيياسىمەن شەكاراداعى ٶتكٸزۋ بەكەتتەرٸنٸڭ ينفراقۇرىلىمىن دامىتۋ جەنە تەحنيكالىق جابدىقتاۋ ماقساتىندا 2020-2025 جىلدارى ارالىعىندا كەزەڭ-كەزەڭٸمەن 27 اۆتوموبيل ٶتكٸزۋ بەكەتٸن قايتا قۇرۋ جوسپارلانعان. شەكارانىڭ ەكٸ جاعىنداعى ٶتكٸزۋ بەكەتتەرٸن دە دامىتۋ ٷشٸن قازاقستان رەسپۋبليكاسىنىڭ يندۋسترييا جەنە ينفراقۇرىلىمدىق دامۋ مينيسترلٸگٸ مەن رەسەي فەدەراتسيياسىنىڭ كٶلٸك مينيسترلٸگٸ اراسىندا ٶتكٸزۋ بەكەتتەرٸنٸڭ جۇمىسىن ٸسكە قوسۋ بويىنشا بٸرلەسكەن ٸس-قيمىل جوسپارىنا قول قويىلعان», - دەپ اتاپ ٶتەدٸ ٷكٸمەت باسشىسى.
پرەمەر-مينيستردٸڭ اتاپ ٶتٸنشە, اتالعان جوسپار اياسىندا قازاقستان تاراپى ٶتكٸزۋ بەكەتتەرٸن قايتا قۇرۋ جول كارتاسىن ەزٸرلەپ قول قويعان. اتالعان قۇجاتتا قايتا قۇرۋدى جٷزەگە اسىرۋدىڭ ناقتى مەرزٸمدەرٸ مەن كەزەڭدەرٸ ايقىندالعان.
«بٷگٸنگٸ كٷنٸ اتالعان جول كارتاسى رف كٶلٸك مينيسترلٸگٸنە قول قويۋعا جولدانعان. جول كارتاسىنا سەيكەس, رەسەي تاراپى «ساعارشىن» ٶتكٸزۋ بەكەتٸن قايتا قۇرۋدى 2020 جىلى باستاماق. رەسەي تاراپى اتالعان جول كارتاسىنا قول قويعاننان كەيٸن بارلىق جۇمىس كٶزدەلگەن تەرتٸپپەن جٷزەگە اسىرىلاتىن بولادى», - دەدٸ اسقار مامين.
ايتا كەتەيٸك, مەجٸلٸس دەپۋتاتتارىنىڭ ٷكٸمەت باسشىسى اتىنا جولداعان ساۋالىندا قازاقستان-رەسەي شەكاراسىنداعى «ساعارشىن-جايسان» ٶتكٸزۋ بەكەتٸنٸڭ شەكارالىق ٶتكەلٸن كەڭەيتۋ مەسەلەسٸ كٶتەرٸلگەن بولاتىن.
