قر ەنەرگەتيكا مينيسترٸ بولات اقشولاقوۆ «Atameken Business» تٸلشٸسٸنٸڭ ساۋالىنا بەرگەن جاۋابىندا قازاقستاننىڭ گاز مەسەلەسٸ بويىنشا رەسەي جەنە ٶزبەكستانمەن تىعىز ىنتىماقتاستىقتا ەكەنٸن, بٸراق ەشقانداي «گاز وداعىن» قۇرۋ مەسەلەسٸ تالقىلانباعانىن ايتتى, دەپ حابارلايدى Azattyq Ruhy.
«بٸز گاز وداعى تۋرالى كەلٸسسٶزدەر جٷرگٸزبەگەنٸمٸزدٸ تاعى بٸر ناقتىلاپ ايتامىن. بٸز تەك ەكٸجاقتى ەڭگٸمە-دٷكەن قۇردىق. مەنٸڭ ول جاققا (رەسەي فەدەراتسيياسىنا. – رەد.) جيٸ باراتىنىمدى جاقسى بٸلەسٸزدەر, مەن سولتٷستٸك-شىعىستى گازداندىرۋعا قاتىستى مەسەلەلەردٸ شەشۋگە تىرىسامىن. بۇل – رەسەي فەدەراتسيياسىمەن ەكٸجاقتى قارىم-قاتىناستاعا نەگٸزدەلەتٸن مەسەلە. مۇنى بٸر دەڭٸز.
ەكٸنشٸدەن, ٶزبەكستانمەن دە سولاي, ياعني بٸز ازييالىق گاز قۇبىرىنىڭ بٸر جٷيەسٸنە – بٸزگە قوسىلعان بٷكٸل گاز قۇبىرى جٷيەسٸن رەتتەۋگە كٸرەمٸز. ٷشٸنشٸدەن, ٶزبەكستاننىڭ رەسەي فەدەراتسيياسىمەن گاز مەسەلەسٸ بويىنشا ٶز قارىم-قاتىناسى بار, بٸزدە ونداي مەسەلە جوق. ولار سول مەسەلەلەردٸ شەشٸپ جاتىر. كەيدە ٷش جاق قاتار وتىرىپ سٶيلەسۋگە تۋرا كەلەتٸن جاعدايلار بولادى. بٸراق بۇل وداق قۇرۋ كەرەك دەگەندٸ بٸلدٸرمەيدٸ», - دەپ جاۋاپ بەردٸ اقشولاقوۆ.
ايتا كەتسەك, پرەزيدەنتتٸڭ باسپاسٶز قىزمەتٸ قاسىم-جومارت توقاەۆتىڭ مەسكەۋگە ساپارى كەزٸندە «ٷشجاقتى گاز وداعىن» قۇرۋ تۋرالى ۇسىنىس ايتىلعانىن, اتالعان مەسەلە بويىنشا ۇتىمدى شەشٸم قابىلداۋ ٷشٸن ٷش ەلدٸڭ ساراپشىلارىنىڭ قاتىسۋىمەن ەگجەي-تەگجەيلٸ كەلٸسسٶزدەر جٷرگٸزٸلۋٸ قاجەتتٸگٸن مەلٸمدەگەن بولاتىن. كەيٸنٸرەك قر سٸم مەسكەۋدٸڭ وداق قۇرۋ تۋرالى باستاماسىن «ەزٸرشە مۇقييات زەردەلەۋگە تيٸس يدەيا عانا» دەپ تٷسٸندٸرٸپ, قازاقستان سانكتسييالاردى اينالىپ ٶتۋ ٷشٸن ٶز اۋماعىن پايدالانۋعا جول بەرمەيدٸ دەپ سەندٸردٸ.
وسى ورايدا, باق-تا ٶزبەكستاننىڭ «ٷشجاقتى گاز وداعىن» قۇرۋدان باس تارتقانى تۋرالى اقپارات تارادى.
