رەسەي ارنايى قىزمەتٸنٸڭ بۇرىنعى پولكوۆنيگٸ سەرگەي سكريپال مەن ونىڭ قىزى يۋلييا ۇلىبريتانييادان جاڭا زەلانديياعا قونىس اۋداردى. بۇل تۋرالى دەرەكٶزٸنە سٷيەنگەن سٸلتەمە جاساعان The Sunday Times باسىلىمى حابارلادى.
باسىلىم مەلٸمەتٸنشە, سكريپال كٶشەر الدىندا قىزىمەن بٸرگە بٸر جىل بويى بريتانييادا قۇپييا بارلاۋ قىزمەتٸنٸڭ قورعاۋىندا بولىپ, قاۋٸپسٸز جەردە تۇرىپ كەلگەن. اقپاراتقا قاراعاندا, ولاردىڭ اتى-جٶنٸ ٶزگەرتٸلٸپ, قارجىلاي كٶمەك كٶرسەتٸلگەن.
2018 جىلعى ناۋرىزدا ۇلىبريتانييانىڭ سولسبەري قالاسىندا سەرگەي سكريپال مەن قىزى يۋلييا قاساقانا ۋلاندىرۋدىڭ قۇربانى بولىپ, ەس-تٷسسٸز كٷيدە اۋرۋحاناعا تٷسكەن. ولارعا قارسى سوۆەتتٸك “نوۆيچوك” ۋىن قولدانعان.
ۇزاق ۋاقىت ەمدەۋدەن سوڭ ەكەۋٸ دە امان قالعان. ودان كەيٸن سكريپالداردان مٷلدەم حابار بولماعان.
لوندون ولارعا قاستاندىقتى كرەمل ۇيىمداستىرعان دەپ مەلٸمدەپ, رەسەي پرەزيدەنتٸ ۆلاديمير پۋتيندٸ ايىپتاعان.
ۇلىبريتانييا بيلٸگٸ سولسبەريدەگٸ قاستاندىقتى “الەكساندر پەتروۆ” جەنە “رۋسلان بوشيروۆ” دەگەن ادامداردىڭ اتىن جامىلىپ كەلگەن رەسەيلٸك ەسكەري بارلاۋ قىزمەتكەرلەرٸ جاساعان دەپ سانايدى. بۇل وقيعانى زەرتتەگەن Bellingcat توبى مەن The Insider باسىلىمى “پەتروۆ” پەن “بوشيروۆتىڭ” شىن اتى-جٶنٸ الەكساندر ميشكين جەنە اناتوليي چەپيگا دەپ حابارلاعان.
مەسكەۋ سكريپالگە قاستاندىق جاساۋعا قاتىسى جوعىن ايتىپ, ايىپتاۋدى “رەسەيگە قارسى بايبالامدى قوزدىرۋ ماقساتىمەن ەدەيٸ ۇيىمداستىرعان” دەدٸ.
