رەسەيدە كوروناۆيرۋسقا بايلانىستى ايماق باسشىلارى 24 ماۋسىمعا بەلگٸلەنگەن جەڭٸس كٷنٸ پارادىن ٶتكٸزۋدەن بٸرتٸندەپ باس تارتىپ جاتىر. كۋرسك وبلىسىنىڭ بيلٸگٸ جەڭٸس كٷنٸنە ارنالعان مەرەكەلٸك شارانى 23 تامىزدا ٶتكٸزەتٸنٸن ايتتى.
بۇعان قوسا, ياروسلاۆل وبلىسى, موردوۆييا رەسپۋبليكاسى, ورىنبور وبلىسى دا جەڭٸس كٷنٸن اتاپ ٶتۋدٸ كەيٸنگە قالدىرعان.
ياروسلاۆل وبلىسىنىڭ باسشىسى ەزٸرگە قوعامدىق شارا ۇيىمداستىراتىن كەز ەمەس دەپ مەلٸمدەدٸ. پسكوۆ وبلىسىنىڭ بيلٸگٸ "سوعىس ارداگەرلەرٸنٸڭ دەنساۋلىعىنا قاۋٸپ تٶندٸرمەۋدٸ" جٶن كٶرگەن.
بۇعان دەيٸن كامچاتسك, پەرم ٶلكەسٸ, تومسك وبلىسى, بەلگورود قالاسى ەپيدەميولوگييالىق جاعدايعا بايلانىستى جەڭٸس كٷنٸن تويلاۋدان باس تارتقان. ورلوۆ وبلىسىنىڭ گۋبەرناتورى دا "كوروناۆيرۋس ينفەكتسيياسى جۇعۋ قاۋپٸ سەيٸلمەگەندٸكتەن" پاراد ٶتكٸزبەيتٸنٸن حابارلاعان.
بۇعان دەيٸن پرەزيدەنت ۆلاديمير پۋتين 24 ماۋسىمدا جەڭٸس پارادى ٶتەتٸنٸن مەلٸمدەپ, ول كٷندٸ دەمالىس رەتٸندە بەلگٸلەگەن. رەسەي ارميياسىنىڭ باس قولباسشىسى ولەگ ساليۋكوۆ 24 ماۋسىمدا رەسەيدٸڭ 28 قالاسىندا ەسكەري پاراد ٶتەدٸ دەپ ايتقان.
رەسەيدٸڭ قالعان قالالارىندا پاراد ٶتكٸزۋ-ٶتكٸزبەۋ مەسەلەسٸن ايماق بيلٸگٸ ەپيدەميولوگييالىق احۋالدى ەسكەرە وتىرىپ ٶزدەرٸ شەشەدٸ. نوۆوسيبيرسك قالاسىندا پاراد ٶتەدٸ, بٸراق كٶرەرمەن بولمايدى.
