رەسەيدەن ەكەلٸنگەن 250 كٶلٸكتٸڭ موينىندا سوت اۋىرتپالىعى بار بولىپ شىقتى, دەپ حابارلايدى قازاقپارات.
قر ٸشكٸ ٸستەر مينيسترلٸگٸ ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى سەرٸك تٷسٸپوۆ ۆەدومستۆونىڭ اقپارات الاڭىندا ٶتكەن ونلاين بريفينگٸدە وسىنداي مەلٸمەت كەلتٸردٸ.
«قازاقستاندىقتاردىڭ شەتەلدەن ەكەلٸنگەن كٶلٸكتەردٸ پايدالانۋ مەسەلەسٸن جالعاستىرساق, وسى جىلدىڭ تامىز ايىنان باستاپ ٸشكٸ ٸستەر ورگاندارى مەن مەملەكەتتٸك كٸرٸستەر ورگاندارى شەكارادا جاتقان 7 ٶڭٸردە قازاقستان اۋماعىنا رەسەي فەدەراتسيياسىنان ەكەلٸنگەن كٶلٸكتەرگە تەكسەرۋ جٷرگٸزٸپ جاتىر. بارلىعى 8 مىڭنان استام ماشينا تەكسەرٸلدٸ. كٶلٸكتٸڭ قايدا تٸركەلگەنٸن جەنە موينىندا اۋىرتپالىعى بار-جوعىن ەكٸ ورگاننىڭ قىزمەتكەرلەرٸ رەسەيدٸڭ كەدەن قىزمەتٸمەن بٸرلەسٸپ تەكسەرەدٸ. سونىڭ قورىتىندىسى بويىنشا سوت اۋىرتپالىعى ٶتەلمەگەن كٶلٸكتەردٸڭ ەكەلٸنگەنٸ انىقتالىپ وتىر», - دەگەن مينيسترلٸك ٶكٸلٸ سٶزٸنە دەلەل رەتٸندە بٸرنەشە مىسال كەلتٸردٸ.
«مىسالى, تامىز ايىندا رەسەيدەن ەكەلٸنگەن بٸر كٶلٸكتٸ تٸركەۋگە 100-دەي شەكتەۋ قويىلعانى بەلگٸلٸ بولدى. سوندىقتان بۇل كٶلٸك قازاقستاندا تٸركەۋگە الىنبايدى. ٶيتكەنٸ رەسەيدە تٸركەۋدەن شىعارىلۋى ٷشٸن بٷكٸل اۋىرتپالىقتارى ٶتەلۋٸ كەرەك», - دەيدٸ كوميتەت باسشىسىنىڭ ورىنباسارى.
سونداي-اق, مۇنداي پروبلەمالار كٶلٸكتەردٸڭ جىلىن تاڭدامايتىنىن ەسكەرتتٸ.
«مۇنداي تەۋەكەلدەر ەسكٸ كٶلٸكتەردە دە, جاڭا كٶلٸكتەردە دە كەزدەسۋٸ مٷمكٸن. قىركٷيەك ايىندا 2020 جىلى زاۋىتتان شىققان Camry ماركالى كٶلٸك انىقتالدى. ٷستٸنەن 20-دان استام سوت اۋىرتپالىعى رەسٸمدەلگەن. بۇل كٶلٸك كەيٸن رەسەيدەگٸ يەسٸنٸڭ ٷستٸنەن ارىزدانۋشى تۇلعالارعا ٶندٸرٸلٸپ بەرٸلۋٸ مٷمكٸن. جالپى 250-گە جۋىق وسىنداي پروبلەماسى بار اۆتوموبيل انىقتالدى, - دەدٸ سەرٸك تٷسٸپوۆ.
