كرەمل سىنشىسى الەكسەي ناۆالنىيدى بوساتۋدى تالاپ ەتكەن ميتينگٸلەر كەزٸندە ۇستالعانى راستالعاندار سانى 3642-گە جەتتٸ. بۇل تۋرالى "وۆد-ينفو" باسىلىمى حابارلادى.
باسىلىمنىڭ مەلٸمەتٸنشە, ۇستالعانداردىڭ كٶبٸ مەسكەۋ (1439) مەن سانكت-پەتەربۋرگ (545) ٷلەسٸندە. قازاندا - 117, نوۆوسيبيرسكٸدە - 98, ۆورونەجدە - 95, نيجنيي نوۆگورودتا - 90, حاباروۆسكتە 65 ادامنىڭ ۇستالعانى انىقتالعان.
باسىلىم ۇستالعاندار سانىن جيٸ جاڭارتىپ جاتىر. سوعان قاراعاندا بۇل اقىرعى سان بولماۋى ىقتيمال.
23 قاڭتار كٷنٸ رەسەيدٸڭ جٷزدەگەن قالاسىندا وپپوزيتسييالىق ساياساتكەر الەكسەي ناۆالنىيدى بوساتۋدى تالاپ ەتكەن نارازىلىق اكتسييالارى ٶتتٸ.
ناۆالنىي 17 قاڭتار كٷنٸ بەرليننەن مەسكەۋگە ورالعان بويدا قاماۋعا الىنعان. 18 قاڭتار كٷنٸ مەسكەۋ سوتى ونى 30 تەۋلٸككە قاماۋ تۋرالى ٷكٸم شىعاردى. وسى مەرزٸم ارالىعىندا ونىڭ شارتتى جازاسىن قاماۋعا اۋىستىرۋ تۋرالى وتىرىس ٶتۋٸ كەرەك. ەڭگٸمە 2014 جىلعى "يۆ روشە" ٸسٸ جٶنٸندەگٸ سوت شەشٸمٸ تٶڭٸرەگٸندە بولىپ وتىر. ناۆالنىي جاقتاستارى شارتتى جازانىڭ ٶتكەن جىلدىڭ سوڭىندا اياقتالعانىن ايتادى.
23 قاڭتار كٷنٸ بولعان ميتينگٸلەرگە ناۆالنىيدىڭ ٶزٸ شاقىرعان. ول بۇل ٷندەۋٸن 18 قاڭتار كٷنگٸ سوت وتىرىسىنىڭ الدىندا جولداعان. كەيٸنٸرەك ونىڭ شتابى ناقتى كٷندٸ حابارلادى.
ميتينگ كٷنٸ جەنە ونىڭ قارساڭىندا رەسەي بيلٸگٸ ناۆالنىي جاقتاستارىن ۇستاپ, تٸنتٸپ, ولارعا دەگەن قىسىمدى كٷشەيتتٸ.
44-جاستاعى ناۆالنىي رەسەي پرەزيدەنتٸ ۆلاديمير پۋتيننٸڭ ەڭ باستى قارسىلاسى سانالادى. ٶتكەن جىلى تامىز ايىندا وپپوزيتسييالىق ساياساتكەر تومسكٸدەن مەسكەۋگە ۇشىپ بارا جاتىپ, ەسٸنەن تانىپ قالدى. ەكٸ كٷننەن سوڭ ەس-تٷسسٸز كٷيٸ گەرمانيياعا جەتكٸزٸلگەن ناۆالنىي مەسكەۋگە ورالعانعا دەيٸن سول ەمدەلگەن. گەرمانييا ٷكٸمەتٸ ناۆالنىيدىڭ "نوۆيچوك" دەيتٸن جٷيكە جٷيەسٸن سال ەتەتٸن ۋمەن ۋلانعانىن مەلٸمدەدٸ. ونى رەسمي بەرليننٸڭ ٶتٸنٸشٸمەن بٶلەك تالداۋ جٷرگٸزگەن ٷش تەۋەلسٸز زەرتحانا راستاعان.
ناۆالنىي قاماۋعا الىنعاننان ەكٸ كٷن ٶتكەن سوڭ ونىڭ شتابى "پۋتيننٸڭ سارايى" دەيتٸن ەكٸ ساعاتتىق زەرتتەۋ فيلمٸن جارييالادى. Youtube جەلٸسٸندە جارييالانعان زەرتتەۋ وسى ۋاقىتقا دەيٸن 77 ميلليون كٶرٸلٸم جيناپ ٷلگەرگەن.
