ۆورونەج قالاسىنداعى ەسكەري-ەۋە اكادەميياسىنىڭ كوماندالىق فاكۋلتەتٸندە جەنە اۆياتسييانىڭ جاۋىنگەرلٸك ٸس-قيمىلدارىن قامتاماسىز ەتۋ فاكۋلتەتٸندە وقيتىن قازاقستاندىق ەسكەري قىزمەتشٸلەر – ماگيستراتۋرا تىڭداۋشىلارىنىڭ كٷشٸمەن اتى اڭىزعا اينالعان ۇشقىش, ەكٸ مەرتە كەڭەس وداعىنىڭ باتىرى, اۆياتسييا گەنەرال-مايورى تالعات بيگەلدينوۆ اتىنداعى دەرٸسحانا اشىلدى. بۇل تۋرالى "ۇلت اقپارات" قر قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
دەرٸسحانانى قۇرۋ يدەياسىن وقۋ ورنىنىڭ باسشىلىعى قولدادى. اكادەمييا باستىعىنىڭ ەسكەري-ساياسي جۇمىس جٶنٸندەگٸ ورىنباسارى پولكوۆنيك اندرەي ەرەمين ۇلى وتان سوعىسىنداعى جەڭٸسكە قول جەتكٸزۋدە قازاقستاندىق جاۋىنگەرلەردٸڭ وراسان زور ٷلەس قوسقانىن اتاپ ٶتتٸ.
ماگيستراتۋرا تىڭداۋشىلارىنىڭ اتىنان سٶز سٶيلەگەن پودپولكوۆنيك باقىتجان ٷسٸبەليەۆ داڭقتى ۇشقىشتىڭ ٶمٸرٸ مەن ەرلٸكتەرٸ تۋرالى دەرەكتەر ايتتى.
الماتى قالاسىنىڭ ورتالىق مەملەكەتتٸك ارحيۆٸنەن دەرٸسحاناعا ارنالعان ەكسپوناتتار, اتاپ ايتقاندا تالعات بيگەلدينوۆتٸڭ مەملەكەتتٸك ناگرادالارىن قوسا العاندا, ونىڭ جەكە زاتتارى, يل-2 ۇشاعىنىڭ ماكەتٸ, «التىن جۇلدىز» مەدالدارى مەن ناگرادتاۋ قۇجاتتارىنىڭ كٶشٸرمەلەرٸ, ارحيۆتٸك فوتوسۋرەتتەرٸ بەرٸلدٸ.
داڭقتى ۇشقىشتىڭ تۋعان كٷنٸندە اقتٶبە قالاسىنداعى ەۋە قورعانىسى كٷشتەرٸنٸڭ ەسكەري ينستيتۋتىندا ەسكە الۋ ٸس-شارالارى بولىپ ٶتتٸ.
ەسكەري قىزمەتشٸلەر ەكٸ مەرتە كەڭەس وداعىنىڭ باتىرى تالعات بيگەلدينوۆتٸڭ مٷسٸنٸنە گٷل شوعى سالىنعان سەبەتتەر قويدى.
