«سەمەي-نوۆوسٸبٸر» باعىتىندا ٶرتەنگەن اۆتوبۋستان جولاۋشىلاردى قۇتقارۋعا اتسالىسقان ەرجان امارحانوۆقا بٷگٸن «تۇرعىن-ٷي قۇرىلىس جيناق بانكٸ» اق سەمەي قالاسىنداعى فيليالى باسپانا الۋ ٷشٸن تەگٸن ەسەپشوت اشىپ بەردٸ, دەپ حابارلايدى قازاقپارات.
بٷگٸن ەرجان اتالمىش بانكپەن كەلٸسٸمگە وتىردى. اقشانىڭ تابىستىلىعىن ارتتىرۋ ماقساتىندا دەپوزيت ەيەلٸ مەن ٶزٸنٸڭ اتىنا جەكەلەي اشىلادى. ياعني, مەملەكەتتٸك سىياقى وسى دەپوزيتتەردٸڭ ەرقايسىسىنا بەرٸلەتٸن بولادى. ال باسپانالار الار كەزدە «وتباسىلىق پاكەت» اياسىندا ەكٸ دەپوزيت بٸر سالىمعا بٸرٸكتٸرٸلەدٸ. ەرجان وسى ارقىلى بولاشاقتا تٶمەن پايىزدىق مٶلشەرمەن جاڭا پەتەرگە يە بولا الادى.
«بٸز باسىن قاتەرگە تٸگە وتىرا ەرلٸك تانىتقان جەرلەسٸمٸزگە ٶز ىقىلاسىمىزدى بٸلدٸرۋدەن شەت قالا المادىق. ەرجاندى تٷقجب-نە شاقىرىپ, تۇرعىن ٷي جيناقتارى جٶنٸندە كەلٸسٸمگە وتىردىق. ال, ۇسىنىلعان العاشقى جارنانى ەكٸ شوتقا دا ٶزٸمٸز سالامىز», - دەدٸ «تۇرعىن-ٷي قۇرىلىس جيناق بانكٸ» اق سەمەي قالاسىنداعى فيليالىنىڭ ديرەكتورى راۆيل سابيتوۆ.
ەسكە سالا كەتەيٸك, 37 جاستاعى قالا تۇرعىنى ەرجان امارحانوۆ تامىزدىڭ 4-ٸ كٷنٸ كەشكٸ ساعات 19.50-دە «سەمەي - نوۆوسٸبٸر» باعىتىندا ٶرتەنگەن جولاۋشىلار اۆتوبۋسىنان 48 ادامدى قۇتقارعان بولاتىن.
بۇعان دەيٸن قالا ەكٸمٸ ەرماك سەلٸموۆتٸڭ قابىلداۋىندا بولعان ەرجانعا قارجىسىنىڭ جانىپ كەتۋٸنە بايلانىستى, جەرگٸلٸكتٸ كەسٸپكەر «گوردورستروي» جشس ديرەكتورى باۋىرجان قايرامباەۆ 1 ميلليون تەڭگە تاپسىردى.
