«Semei-Novosibir» baǵytynda órtengen avtobýstan jolaýshylardy qutqarýǵa atsalysqan Erjan Amarhanovqa búgin «Turǵyn-úi qurylys jinaq banki» AQ Semei qalasyndaǵy filialy baspana alý úshin tegin esepshot ashyp berdi, dep habarlaidy QazAqparat.
Búgin Erjan atalmysh bankpen kelisimge otyrdy. Aqshanyń tabystylyǵyn arttyrý maqsatynda depozit áieli men óziniń atyna jekelei ashylady. Iaǵni, memlekettik syiaqy osy depozitterdiń árqaisysyna beriletin bolady. Al baspanalar alar kezde «Otbasylyq paket» aiasynda eki depozit bir salymǵa biriktiriledi. Erjan osy arqyly bolashaqta tómen paiyzdyq mólshermen jańa páterge ie bola alady.
«Biz basyn qaterge tige otyra erlik tanytqan jerlesimizge óz yqylasymyzdy bildirýden shet qala almadyq. Erjandy TÚQJB-ne shaqyryp, turǵyn úi jinaqtary jóninde kelisimge otyrdyq. Al, usynylǵan alǵashqy jarnany eki shotqa da ózimiz salamyz», - dedi «Turǵyn-úi qurylys jinaq banki» AQ Semei qalasyndaǵy filialynyń direktory Ravil Sabitov.
Eske sala keteiik, 37 jastaǵy qala turǵyny Erjan Amarhanov tamyzdyń 4-i kúni keshki saǵat 19.50-de «Semei - Novosibir» baǵytynda órtengen jolaýshylar avtobýsynan 48 adamdy qutqarǵan bolatyn.
Buǵan deiin qala ákimi Ermak Sálimovtiń qabyldaýynda bolǵan Erjanǵa qarjysynyń janyp ketýine bailanysty, jergilikti kásipker «Gordorstroi» JShS direktory Baýyrjan Qairambaev 1 million teńge tapsyrdy.
