رەسەيدە 24 ميلليون ادام بۇعاتتالعان ينتەرنەت كٶزدەرٸنە كٸرۋ ٷشٸن VPN سەرۆيستەرٸن قولدانا باستاعان. بۇل جٶنٸندە Times گازەتٸ جازدى, دەپ حابارلايدى ازاتتىق.
اقپان ايىندا, ياعني سوعىسقا دەيٸن رەسەيدە VPN سەرۆيستەرٸن 1,6 ميلليون ادام عانا پايدالانعان.
Mediascope مەلٸمەتٸنە قاراعاندا, رەسەيدە سەۋٸر ايىندا 97,5 ملن ادام پايدالانعان. دەمەك, ەلدٸڭ ەربٸر تٶرتٸنشٸ ازاماتى جەكە جەلٸ نەمەسە VPN قولدانۋعا كٶشكەن دەگەن سٶز.
قازٸر رەسەيدە مىڭنان استام سايت بۇعاتتاۋلى تۇر. ونىڭ ٸشٸندە Facebook تە, Instagram دا, شەتەلدٸڭ ٸرٸ باق-تارى مەن تەۋەلسٸز باق-تار دا بار. بۇل سايتتارعا ترافيك تٶمەندەگەنٸمەن, توقتاپ قالماعان. مىسالى, ربك مەلٸمەتٸنە قاراعاندا, Instagram ترافيگٸ كٷنٸنە 39 ميلليوننان 34 ميلليونعا دەيٸن تٷسكەن.
ٶتكەن اپتادا كەيبٸر تانىمال VPN سەرۆيستەرٸنە قوسىلۋعا قيىنداعانىن حابارلاعان. بۇل - تەحنيكالىق IP ادرەستەر مەن دومەندەردٸ شەكتەۋگە تىرىسقان روسكومنادزوردىڭ تالپىنىسىنان كەيٸن بولعان. "روسكومسۆوبودانىڭ" تەحنيكالىق ديرەكتورى ستانيسلاۆ شاكيروۆ ٸرٸ سەرۆيستەر بۇعاتتاردى اينالىپ ٶتۋ مەسەلەسٸن شەشە الادى دەپ سانايدى.
"بٸز سٶيلەسكەن سەرۆيستەر, مىسالى Proton سەرۆيسٸ بۇعاتتى اينالىپ ٶتكٸسٸ كەلەدٸ. مەنٸڭشە, وعان مٷمكٸندٸك بار. بٸراشاما ۋاقىتتان سوڭ سەرۆيستەر بٸرتٸندەپ قايتا جۇمىس ٸستەي باستايدى. بەرٸ ەمەس, كٶپشٸلٸگٸ", – دەيدٸ ول.
رەسەي باس پروكۋراتۋراسىنىڭ سۇراۋى بويىنشا روسكومنادزور 24 اقپاننان باستاپ سوعىس تۋرالى جازىپ, رەسەي بيلٸگٸنٸڭ تسەنزۋراسىن ساقتاماي جٷرگەن ورىس تٸلدٸ مەديالاردى بۇعاتتاۋعا كٸرٸسكەن.
