Reseide 24 million adam buǵattalǵan internet kózderine kirý úshin VPN servisterin qoldana bastaǵan. Bul jóninde Times gazeti jazdy, dep habarlaidy Azattyq.
Aqpan aiynda, iaǵni soǵysqa deiin Reseide VPN servisterin 1,6 million adam ǵana paidalanǵan.
Mediascope málimetine qaraǵanda, Reseide sáýir aiynda 97,5 mln adam paidalanǵan. Demek, eldiń árbir tórtinshi azamaty jeke jeli nemese VPN qoldanýǵa kóshken degen sóz.
Qazir Reseide myńnan astam sait buǵattaýly tur. Onyń ishinde Facebook te, Instagram da, sheteldiń iri BAQ-tary men táýelsiz BAQ-tar da bar. Bul saittarǵa trafik tómendegenimen, toqtap qalmaǵan. Mysaly, RBK málimetine qaraǵanda, Instagram trafigi kúnine 39 millionnan 34 millionǵa deiin túsken.
Ótken aptada keibir tanymal VPN servisterine qosylýǵa qiyndaǵanyn habarlaǵan. Bul - tehnikalyq IP adrester men domenderdi shekteýge tyrysqan Roskomnadzordyń talpynysynan keiin bolǵan. "Roskomsvobodanyń" tehnikalyq direktory Stanislav Shakirov iri servister buǵattardy ainalyp ótý máselesin sheshe alady dep sanaidy.
"Biz sóilesken servister, mysaly Proton servisi buǵatty ainalyp ótkisi keledi. Menińshe, oǵan múmkindik bar. Birashama ýaqyttan soń servister birtindep qaita jumys istei bastaidy. Bári emes, kópshiligi", – deidi ol.
Resei bas prokýratýrasynyń suraýy boiynsha Roskomnadzor 24 aqpannan bastap soǵys týraly jazyp, Resei biliginiń tsenzýrasyn saqtamai júrgen orys tildi medialardy buǵattaýǵa kirisken.
