رەسەي ٷكٸمەتٸ ٸشكٸ ٸستەر ورگانى قىزمەتكەرلەرٸنٸڭ ٶكٸلەتٸن كەڭەيتەتٸن زاڭ جوباسىن ەزٸرلەدٸ. "پوليتسييا تۋرالى" زاڭعا تٷزەتۋلەر ەنگٸزۋ تۋرالى زاڭ جوباسىندا پوليتسەيلەردٸڭ قارۋ قولدانۋ تەرتٸبٸن جەڭٸلدەتۋ, قوعامدىق شارا ٶتەتٸن ورىنداردى قورشاۋعا رۇقسات بەرۋ, كٶلٸكتەردٸ اشىپ تەكسەرۋ سيياقتى مەسەلەلەر قاراستىرىلعان. بۇل تۋرالى مينيسترلەر كابينەتٸ ماقۇلداعان قۇجاتقا سٸلتەمە جاساعان "ينتەرفاكس" اگەنتتٸگٸ حابارلادى. قۇجات ەزٸرگە مەملەكەتتٸك دۋماعا جٸبەرٸلمەگەن.
زاڭ جوباسى پوليتسەيلەرگە ۇستاۋ كەزٸندە قاۋٸپ تٶنگەن جاعدايدا قارۋ قولدانۋعا قۇقىق بەرەدٸ. بۇعان قوسا, جوبا اۆتورلارى پوليتسييانى كەسٸبي مٸندەتٸن اتقارۋ كەزٸندەگٸ ەرەكەتٸ ٷشٸن جاۋاپكەرشٸلٸكتەن بوساتۋدى جٶن كٶرگەن.
بۇعان دەيٸن رەسەيدە كٶلٸك پوليتسيياسى ٶكٸلدەرٸنە ەلەكتروشوكەر قولدانۋعا رۇقسات بەرٸلەدٸ دەپ حابارلانعان بولاتىن.
حالىقارالىق "اگورا" قۇقىق قورعاۋ توبىنىڭ دەرەگٸنشە, رەسەيدە قىزمەتتٸك ٶكٸلەتٸن اسىرا پايدالانعانى ٷشٸن سوتتالعان تۇتقىندار ازايعان. 2019 جىلى "ازاپتاۋ" بابىمەن ٸشكٸ ٸستەر ورگانىنىڭ 641 قىزمەتكەرٸ سوتتالعان. بۇل ون جىل بۇرىنعى كٶرسەتكٸشپەن سالىستىرعاندا 2,5 ەسەگە از.
2019 جىلى جازدا مەسكەۋدە تەۋەلسٸز كانديداتتاردى قالالىق دۋما سايلاۋىنا جٸبەرمەگەنٸ ٷشٸن وپپوزيتسييا رۇقسات ەتٸلمەگەن ميتينگ ٶتكٸزگەن. ميتينگٸلەر كەزٸندە مىڭنان استام ادام ۇستالدى. تەرگەۋ كوميتەتٸ "پوليتسەي تالاپتارىنا باعىنباعانى ٷشٸن" دەپ بٸرنەشە قىلمىستىق ٸس قوزعاعان.
بٸرنەشە ادام سوتتالدى. ۇستاۋ كەزٸندە زارداپ شەككەن ازاماتتار ٶزدەرٸن ۇرىپ-سوققان پوليتسەيلەردٸڭ ەرەكەتٸن تەرگەۋدٸ تالاپ ەتكەن, بٸراق ولاردىڭ ٶتٸنٸشتەرٸ ورىندالمادى.
