مەسكەۋ ورتالىعىندا تٷندە ناۆالنىي ٷكٸمٸنە قارسىلىق بٸلدٸرگەن مانيفەستانتتار مەن پوليتسييا اراسىندا قاقتىعىس بولدى, مىڭعا جۋىق ادام ۇستالدى دەپ حابارلادى ازاتتىقتىڭ ورىس قىزمەتٸ. دەل وسىنىڭ الدىندا مەسكەۋدٸڭ سيمونوۆسكيي سوتى وپپوزيتسييالىق ساياساتكەر الەكسەي ناۆالنىيدى تٷرمەگە قاماۋ تۋرالى ٷكٸم شىعارعان. وعان 2014 جىلى بەرٸلگەن شارتتى جازا 3,5 جىل تٷرمە جازاسىمەن الماستىرىلدى.
پەتەربۋرگتە 221 ادام ۇستالعان. يجەۆسك, ومبى, چەليابينسك, ۋفا, كيروۆ, چەبوكسار, مىتيششي, كراسنودار قالالارىندا دا ۇستاۋلار بولعان. وۆد-ينفو مەلٸمەتٸ بويىنشا, مەسكەۋ ۋاقىتىمەن تٷنگٸ ساعات 2 شاماسىندا رەسەيدە ۇستالعاندار سانى 1200-دەن اسقان.
مەسكەۋدەگٸ مانەج الاڭىنا سەيسەنبٸ كٷنٸ كەشكە روسگۆاردييا مەن پوليتسييا جاساقتارى, ارنايى تەحنيكا ەكەلٸندٸ. پۋشكين الاڭى تۇتاس تەمٸر شارباقتارمەن قورشالدى. جان جاعىندا پوليتسييا تۇردى. قالا ورتالىعىنداعى بٸرنەشە مەترو ستانتسيياسى جابىلدى. اۋماقتا موبيلدٸ ينتەرنەت ٶشٸرٸلدٸ.
ناۆالنىيعا ٷكٸم شىققاننان كەيٸن وپپوزيتسييالىق ساياساتكەردٸڭ شتابى جاقتاستارىن ٷكٸمگە قارسىلىق بٸلدٸرۋ ٷشٸن مانەج الاڭىنا شىعۋعا شاقىردى. نارازىلىققا بٸرنەشە مىڭ ادامنىڭ شىققانى حابارلاندى. قالا ورتالىعىندا كٶلٸكتەر سيگنال بەرٸپ جٷرگەن.
الەكسەي ناۆالنىي 2014 جىلى بٸرنەشە اي ٷيقاماقتا بولعاندىقتان, ول جالپى رەجيمدەگٸ كولونييادا 2 جىل 8 اي وتىرادى. سوتتا تاراپتاردىڭ ٷكٸمدٸ اپەللياتسيياعا بەرە الاتىنى ايتىلدى.
- ناۆالنىي بىلتىر تامىزدا تومسك قالاسىنان مەسكەۋگە ۇشىپ بارا جاتقاندا جاعدايى كٷرت ناشارلاپ, ومبى قالاسىنداعى اۋرۋحاناعا جەتكٸزٸلگەن. كەيٸن ونىڭ ۋلانعانى بەلگٸلٸ بولعان. ەس-تٷسسٸز جاتقان ناۆالنىي گەرمانييا بيلٸگٸ جٸبەرگەن ارنايى ۇشاقپەن بەرلينگە جەتكٸزٸلٸپ, سول جاقتا بٸرنەشە اي ەمدەلدٸ.
- ول بيىل 17 قاڭتاردا گەرمانييادان رەسەيگە ورالعان ەدٸ. رەسەي پوليتسيياسى ناۆالنىيدى مەسكەۋدەگٸ شەرەمەتەۆو ەۋەجايىنان بٸردەن ۇستاپ ەكەتكەن. وسى كٷنٸ پوليتسييا ناۆالنىيدى كٷتٸپ الۋعا كەلگەن جەتپٸسكە جۋىق ادامدى ۇستادى.
- 18 قاڭتاردا مەسكەۋدەگٸ سوت ناۆالنىيدى 30 كٷنگە قاماۋعا الدى. سوتقا دەيٸن ساياساتكەرگە ادۆوكاتى جٸبەرٸلمەدٸ. قورعاۋشىلارعا سوت بولاتىنى جايلى وتىرىس باستالار سەتتە حابارلاندى. ناۆالنىي بۇل جايتتى "زاڭسىزدىقتىڭ شەكتەن شىققان سەتٸ" دەدٸ. سوتتا ٸٸم ٶكٸلٸ ناۆالنىي شارتتى جازاسى ٷشٸن پوليتسيياعا بٸرنەشە رەت بەلگٸلەنبەدٸ دەدٸ.
- ناۆالنىي قاماۋدا وتىرعاندا ول باسقاراتىن "جەمقورلىقپەن كٷرەس قورى" "پۋتين سارايى" اتتى زەرتتەۋٸن جارييالادى. زەرتتەۋدە رەسەي پرەزيدەنتٸ پۋتيننٸڭ گەلەندجيكتە زەۋلٸم سارايى بارى ايتىلادى.
- 23 جەنە 31 ناۋرىزدا رەسەيدە مىڭداعان ادام ناۆالنىيدى بوساتۋدى تالاپ ەتٸپ نارازىلىققا شىقتى. جۇرت ەلدەگٸ جەمقورلىققا دا قارسىلىق بٸلدٸردٸ. 23 قاڭتارداعى ميتينگٸدە پوليتسييا تٶرت مىڭ ادامدى, 31 قاڭتاردا 5,3 مىڭ ادامدى ۇستادى.
- ەكٸ ميتينگٸدەن كەيٸن رەسەي بيلٸگٸ بەلسەندٸلەرگە, قۇقىق قورعاۋشىلارعا, وپپوزيتسونەرلەرگە قارسى قىرىقتاي قىلمىستىق ٸس قوزعادى. وسى ٸستٸڭ اياسىندا پوليتسييا قىلمىستىق ٸس قوزعالعانداردىڭ ٷيٸن تٸنتٸپ, كەيبٸرٸن قاماۋعا الدى.
- ەۋروپارلامەنت پەن اقش رەسەي بيلٸگٸنەن ناۆالنىيدى بوساتۋدى تالاپ ەتەدٸ.
