رەسەيدە كوروناۆيرۋس جۇقتىرعاندار 400 مىڭنان استى. 31 مامىردا جەدەل شتاب وسىنداي مەلٸمەت تاراتتى. ٶتكەن تەۋلٸكتە 9268 ادامنان كوروناۆيرۋس تابىلعان. ناۋقاستار سانى قاتارىنان ٷش كٷن ارتقان.
سەنبٸ كٷنٸ ەلدە 138 ادام كوروناۆيرۋستان قايتىس بولعان. بۇل الدىڭعى كٷنمەن سالىستىرعاندا از. بيلٸكتٸڭ ايتۋىنشا, ەلدە كوروناۆيرۋستان جالپى 4693 ادام قايتىس بولعان.
بارلىعى 405 843 ادامعا ۆيرۋس جۇققانى انىقتالعان. 171 مىڭنان استام ادام جازىلعان. ەمدەلٸپ جاتقاندار سانى اپتا باسىندا ازايعانمەن قازٸر قايتا ارتقان.
مەسكەۋدە بٸر كٷندە شامامەن 2,5 مىڭ ادامنان كوروناۆيرۋس تابىلدى. باستاپقىدا قالادا ناۋقاستار كٶبەيگەنمەن قازٸر ازايۋى بايقالادى.
كوروناۆيرۋسپەن بايلانىستى ەسٸرەسە ادام ٶلٸمٸنە قاتىستى رەسەيلٸك ستاتيستيكا ماماندار اراسىندا كٷمەن تۋعىزادى. مەسكەۋ بيلٸگٸ سەۋٸر ايىندا تٸركەلگەن ادام ٶلٸمٸ تۋرالى مەلٸمەتتٸ جارييالاعان. وعان سەيكەس, COVID-19 دياگنوزى قويىلعان قايتىس بولعان ادامداردىڭ جارتىسىنا جۋىعى كوروناۆيرۋس بويىنشا رەسمي ستاتيستيكاعا ەنگٸزٸلمەگەن. بيلٸكتٸڭ ايتۋىنشا, ولارعا كوروناۆيرۋس ينفەكتسيياسى جۇققانمەن ٶلٸمٸنٸڭ نەگٸزگٸ سەبەبٸ كوروناۆيرۋس ەمەس.
سوڭعى كەزدە رەسەيدٸڭ بٸرقاتار ايماقتارىندا كارانتين ەرەجەلەرٸ جۇمسارا باستاعان. مەسكەۋدە 25 مامىردان باستاپ اپتاسىنا ٷش رەت كەستە بويىنشا سەرۋەندەۋگە رۇقسات ەتٸلگەن.بۇعان قوسا, ازىق-تٷلٸك ەمەس دٷكەندەر مەن قىزمەت كٶرسەتۋ سالاسىنداعى بٸرقاتار كەسٸپورىندار جۇمىس ٸستەي باستادى. دەگەنمەن ماسكا رەجيمٸ قاتاڭداتىلعان - ەندٸ ماسكانى تەك عيمارات قانا ەمەس, كٶشەدە تاعىپ جٷرۋ مٸندەت.
