ماماندار مەسكەۋ تٷبٸندە يل-112ۆ ەسكەري تاسىمالداۋشى ۇشاعىنىڭ قۇلاۋىنا قوزعالتقىشتىڭ ٸستەن شىعىپ, قيراۋى, ودان كەيٸن ٶرتەنۋٸ سەبەپ بولعانىن انىقتادى. بۇل تۋرالى تاسس اقپارات اگەنتتٸگٸ حابارلايدى.
بۇعان دەيٸن شۇعىل قىزمەتتەردەن ەكٸنشٸ (وڭ جاق) قوزعالتقىشتىڭ ٶرتەنۋٸنە ٶرتەنۋ كامەراسىنا مايدىڭ اعىلۋى سەبەپ بولۋى مٷمكٸن ەكەنٸ ايتىلادى.
«ۇشاق ەۋەدە تٶرت مينۋت بولعان. ەكيپاج ٶرت تۋرالى حابارلاپ, قونۋعا ەرەكەتتەنگەن. يل-112ۆ مەسكەۋ تٷبٸندەگٸ كۋبينكانىڭ ۇشۋ-قونۋ جولاعىنان نەبەرٸ 1,5 شاقىرىم جەردە قۇلادى», - دەپ مەلٸمدەدٸ اگەنتتٸككە كٷش قۇرىلىمدارىنان.
ۇشاق بورتىندا ٷش ادامنان قۇرىلعان ەكيپاج, سونىڭ ٸشٸندە ونىڭ كومانديرٸ – ەڭبەگٸ سٸڭگەن سىناۋشى ۇشقىش, رەسەي قاھارمانى نيكولاي كۋيموۆ بولعان. ولاردىڭ بارلىعى قازا تاپتى. ۇشقىشتار سوڭعى سەتكە دەيٸن كٷرەسٸپ, ۇشاقتى تۇرعىن ٷيلەردەن بۇرىپ ەكەتۋگە تىرىسقان.
ۇشاقتىڭ قۇلاۋى فاكتٸسٸ بويىنشا رف قىلمىستىق كودەكسٸنٸڭ 263-بابىنىڭ 3-بٶلٸمٸمەن (ەۋە كٶلٸگٸ قوزعالىسى مەن پايدالانۋ قاۋٸپسٸزدٸگٸ ەرەجەلەرٸن بۇزۋ) قىلمىستىق ٸس قوزعالدى.
