Mamandar Máskeý túbinde Il-112V áskeri tasymaldaýshy ushaǵynyń qulaýyna qozǵaltqyshtyń isten shyǵyp, qiraýy, odan keiin órtenýi sebep bolǵanyn anyqtady. Bul týraly TASS aqparat agenttigi habarlaidy.
Buǵan deiin shuǵyl qyzmetterden ekinshi (oń jaq) qozǵaltqyshtyń órtenýine órtený kamerasyna maidyń aǵylýy sebep bolýy múmkin ekeni aitylady.
«Ushaq áýede tórt minýt bolǵan. Ekipaj órt týraly habarlap, qonýǵa árekettengen. Il-112V Máskeý túbindegi Kýbinkanyń ushý-qoný jolaǵynan nebári 1,5 shaqyrym jerde qulady», - dep málimdedi agenttikke kúsh qurylymdarynan.
Ushaq bortynda úsh adamnan qurylǵan ekipaj, sonyń ishinde onyń komandiri – eńbegi sińgen synaýshy ushqysh, Resei qaharmany Nikolai Kýimov bolǵan. Olardyń barlyǵy qaza tapty. Ushqyshtar sońǵy sátke deiin kúresip, ushaqty turǵyn úilerden buryp áketýge tyrysqan.
Ushaqtyń qulaýy faktisi boiynsha RF Qylmystyq kodeksiniń 263-babynyń 3-bólimimen (Áýe kóligi qozǵalysy men paidalaný qaýipsizdigi erejelerin buzý) qylmystyq is qozǵaldy.
