مەسكەۋ سوتى "ەكسترەميزمگە شاقىردى" دەپ ايىپتالعان تانىمال بلوگەر ەگور جۋكوۆتىڭ باس بوستاندىعىن ٷش جىلعا شەكتەدٸ. سوت ٷكٸمٸن وقىعان سۋديا ونىڭ "ينتەرنەت ارقىلى ەكسترەميستٸك ەرەكەت جاساۋعا شاقىرعانى انىقتالدى" دەدٸ. رەسەي قوعامىندا ونىڭ ٸسٸنٸڭ "ساياسي استارى بار" ەكەنٸ ايتىلادى.
سوت ٷكٸمٸ 6 جەلتوقساندا كۋنتسەۆ اۋداندىق سوتىندا وقىلدى. مەسكەۋدەگٸ جوعارى ەكونوميكا مەكتەبٸنٸڭ ستۋدەنتٸ ەگور جۋكوۆتى قولداۋ ٷشٸن سوتقا جٷزدەگەن ادام كەلدٸ.
جۋكوۆ تامىز ايىندا مەسكەۋدە نارازىلىق جالعاسىپ جاتقان كەزدە قامالعان. جاز ايلارىندا مەسكەۋ تۇرعىندارى ساياسي جٷيەنٸڭ قۋعىنداۋ ساياساتىنا قارسى شىققان.
- بۇل ناعىز جەڭٸس ەمەس, ەرينە. بارلىعىڭىزعا كٶپ راحمەت! - دەدٸ جۋكوۆ سوت ٷكٸمٸنەن كەيٸن.
4 جەلتوقساندا سوڭعى سٶزٸن ايتقان جۋكوۆ "رەسەيدەگٸ احۋال ادامنىڭ ٶركەندەۋٸ ٷشٸن جاسالعان كەز كەلگەن مٷمكٸندٸكتٸڭ تامىرىنا بالتا شابادى" دەپ مەلٸمدەگەن.
"رەسەي مەملەكەتٸ بٸر عانا ەلەۋمەتتٸك ساياساتتى جٷيەلٸ تٷردە جٷرگٸزٸپ وتىر - بۇل ادامداردى بٸر-بٸرٸنەن اجىراتۋ. وسىلايشا مەملەكەت بٸزدٸ كٶز الدىمىزدا ادامدىق كەلبەتٸمٸزدەن ايىرىپ جاتىر" دەدٸ جۋكوۆ سوڭعى سٶزٸندە. ونىڭ "سوڭعى سٶزٸ" ينتەرنەتتە جىلدام تارادى.
