رەسەيدە ٶتكەن تەۋلٸكتە كوروناۆيرۋس جۇققان 317 ناۋقاس قايتىس بولدى. بۇل - ەپيدەمييا باستالعالى بەرٸ ادام ٶلٸمٸ بويىنشا بٸر كٷندە تٸركەلگەن ەڭ جوعارى كٶرسەتكٸش. ەلدە Covid-تەن قايتىس بولعاندار 25 مىڭعا جۋىقتادى.
رەسەيدە "مەيٸتتٸ تەكسەرگەنگە دەيٸن ٶلٸمٸنە كوروناۆيرۋس سەبەپ بولدى" دەپ تانىلعاندار ەسەبٸ عانا Covid ستاتيستيكاسىنا قوسىلادى. ەگەر كوروناۆيرۋس تابىلعان مارقۇمداردىڭ بارلىعىن نەمەسە پاتولوگواناتومييالىق زەرتتەۋ جٷرگٸزٸلگەننەن كەيٸن ٶلٸمٸنٸڭ سەبەبٸ انىقتالعانداردى قوسسا, قايتىس بولعاندار ايتارلىقتاي كٶبەيەدٸ.
ٶتكەن تەۋلٸكتە رەسەيدە (اننەكسييالانعان قىرىمدى قوسقاندا) 15 700 ادامنان كوروناۆيرۋس تابىلعان. كوروناۆيرۋسپەن كٷرەس جٶنٸندەگٸ جەدەل شتابتىڭ مەلٸمەتٸنشە, بٸر كٷن بۇرىن بۇل كٶرسەتكٸش 600 ادامعا از بولعان. سەيسەنبٸ كٷنٸ ەڭ كٶپ ناۋقاس مەسكەۋدەن (4 389) انىقتالعان.
بٸر كٷندە 10 952 ادام جازىلعان, ٸندەت باستالعالى بەرٸ ەلدە 1 ميلليوننان استام ادامعا Covid جۇققان.
