«يادرولىق قارۋسىز ەلەم قۇرۋ» اتتى حالىقارالىق كونفەرەنتسييا اياسىندا ٶتكەن پانەلدٸك سەسسييا بارىسىندا رەسەي فەدەراتسيياسىنىڭ قازاقستانداعى ەلشٸسٸ ميحايل بوچارنيكوۆ ٶز ەلٸنٸڭ يادرولىق قارۋسىزداندىرۋ سالاسىنداعى جۇمىسى جايىندا بايانداپ, قارۋدى قاي ۋاقىتتا پايدالانا الاتىنىن جەتكٸزدٸ, دەپ حابارلايدى BNews.kz تٸلشٸسٸ.
ەلشٸنٸڭ ايتۋىنشا, استاناداعى كونفەرەنتسييا يادرولىق قارۋدان جاپپاي باس تارتۋ كەلٸسٸمٸن رەسٸمدەۋ قاجەتتٸگٸن تاعى بٸر مەرتە دەلەلدەپ وتىر.
«الايدا, ول قۇجات كٷشٸنە ەنۋٸ ٷشٸن 8 نەگٸزگٸ مەملەكەتٸڭ قولى قاجەت. ولاردىڭ ەشقايسىسى ەلٸ ول كەلٸسٸمدٸ رەسٸمدەگەن جوق. ٶتكەن جىلى وسى مەسەلەگە ارنالعان كونفەرەنتسييادا ارنايى دەكلاراتسييا مەن ناقتى شارالار جوسپارى قابىلدانعان بولاتىن. رەسەي ونىڭ بەرٸن قولداپ, ٸسكە اسىرۋعا دايار. قازاقستان مەن جاپونييا وسى جۇمىستىڭ ٷيلەستٸرۋشٸسٸ», - دەيدٸ م.بوچارنيكوۆ.
بٷگٸندە رەسەي فەدەراتسيياسى يادرولىق قارۋدان بٸرتٸندەپ باس تارتۋ باستاماسىن قولدايدى. وندايدا بارلىعىنا بٸردەي قاۋٸپسٸزدٸك شارالارى ساقتالۋى قاجەت. سونداي-اق بەيبٸتشٸلٸك پەن قاۋٸپسٸزدٸك سالاسىنداعى بۇۇ-نىڭ حالىقارالىق قۇجاتتارى نەگٸزگە الىنۋى شارت. وسى ۋاقىتقا دەيٸن رەسەي يادرولىق قارۋ-جاراقتى ازايتۋ سالاسىندا ايتارلىقتاي جۇمىس اتقاردى.
«بٸز يادرولىق زىمىرانداردىڭ ەكٸ ساناتىن تولىعىمەن جويىپ تاستادىق. ول قارۋ-جاراقتىڭ ۇشۋ قاشىقتىعى 500-5500 شاقىرىم بولعان. ستراتەگييالىق شابۋىلداۋشى تەحنيكا سوڭعى 50 جىلدا ەڭ تٶمەنگٸ دەڭگەيگە دەيٸن ازايىپ وتىر. ال ستراتەگييالىق ەمەس قارۋ-جاراقتاردى مٷلدە الىپ تاستاپ, قويماعا قوتارىپ قويدىق. رەسەيدٸڭ ەسكەري دوكتريناسىندا يادرولىق قارۋعا كٶپ باسىمدىق بەرٸلمەيدٸ. ونى تەورييالىق تۇرعىدا تەك ەكٸ جاعدايدا عانا قولدانۋ قاراستىرىلعان. ەگەر رەسەي مەن ونىڭ وداقتاستارىنا قارسى جاپپاي قىرىپ جوياتىن قارۋ قولدانىلسا نەمەسە قاراپايىم قارۋ-جاراقتى قولدانۋ ارقىلى مەملەكەتتٸڭ ٶمٸرشەڭدٸگٸنە قاۋٸپ تٶنگەن جاعدايدا. ونداي پوزيتسييانى باسقا مەملەكەتتەر دە ۇستانادى. ولاردىڭ ٸشٸندە امەريكا دا بار», - دەيدٸ م.بوچارنيكوۆ.
