«Iadrolyq qarýsyz álem qurý» atty Halyqaralyq konferentsiia aiasynda ótken paneldik sessiia barysynda Resei Federatsiiasynyń Qazaqstandaǵy elshisi Mihail Bocharnikov óz eliniń iadrolyq qarýsyzdandyrý salasyndaǵy jumysy jaiynda baiandap, qarýdy qai ýaqytta paidalana alatynyn jetkizdi, dep habarlaidy BNews.kz tilshisi.
Elshiniń aitýynsha, Astanadaǵy konferentsiia Iadrolyq qarýdan jappai bas tartý kelisimin rásimdeý qajettigin taǵy bir márte dáleldep otyr.
«Alaida, ol qujat kúshine enýi úshin 8 negizgi memleketiń qoly qajet. Olardyń eshqaisysy áli ol kelisimdi rásimdegen joq. Ótken jyly osy máselege arnalǵan konferentsiiada arnaiy deklaratsiia men naqty sharalar jospary qabyldanǵan bolatyn. Resei onyń bárin qoldap, iske asyrýǵa daiar. Qazaqstan men Japoniia osy jumystyń úilestirýshisi», - deidi M.Bocharnikov.
Búginde Resei Federatsiiasy iadrolyq qarýdan birtindep bas tartý bastamasyn qoldaidy. Ondaida barlyǵyna birdei qaýipsizdik sharalary saqtalýy qajet. Sondai-aq beibitshilik pen qaýipsizdik salasyndaǵy BUU-nyń halyqaralyq qujattary negizge alynýy shart. Osy ýaqytqa deiin Resei iadrolyq qarý-jaraqty azaitý salasynda aitarlyqtai jumys atqardy.
«Biz iadrolyq zymyrandardyń eki sanatyn tolyǵymen joiyp tastadyq. Ol qarý-jaraqtyń ushý qashyqtyǵy 500-5500 shaqyrym bolǵan. Strategiialyq shabýyldaýshy tehnika sońǵy 50 jylda eń tómengi deńgeige deiin azaiyp otyr. Al strategiialyq emes qarý-jaraqtardy múlde alyp tastap, qoimaǵa qotaryp qoidyq. Reseidiń áskeri doktrinasynda iadrolyq qarýǵa kóp basymdyq berilmeidi. Ony teoriialyq turǵyda tek eki jaǵdaida ǵana qoldaný qarastyrylǵan. Eger Resei men onyń odaqtastaryna qarsy jappai qyryp joiatyn qarý qoldanylsa nemese qarapaiym qarý-jaraqty qoldaný arqyly memlekettiń ómirsheńdigine qaýip tóngen jaǵdaida. Ondai pozitsiiany basqa memleketter de ustanady. Olardyń ishinde Amerika da bar», - deidi M.Bocharnikov.
