فوتو: pixabay.com
سەپاراتيزم جەنە ۇلتتار اراسىندا الاۋىزدىق تۋدىرۋ كٷدٸگٸ بويىنشا ايىپتالعان ورال قالاسىنىڭ تۇرعىنى م.ۆ. ياكوۆچەنكونى رەسەيدەن ەلٸمٸزگە قايتارۋ مەسەلەسٸ قارالىپ جاتىر, دەپ حابارلايدى قازاقپارات اگەنتتٸگٸ باس پروكۋراتۋرانىڭ باسپاسٶز قىزمەتٸنە سٸلتەمە جاساپ.
«بقو-نىڭ ورال قالاسىندا تۇرعان م.ۆ. ياكوۆچەنكو «ۆكونتاكتە» ەلەۋمەتتٸك جەلٸسٸندە جارييالانعان «ورال – جويىلىپ بارا جاتقان اۋماق» پوستىنا قازاقستان رەسپۋبليكاسىنىڭ بٸركەلكٸلٸگٸ مەن تۇتاستىعىن بۇزۋدى, سونداي-اق ازاماتتاردى ۇلتتىق بەلگٸسٸ بويىنشا كەمسٸتۋدٸ ناسيحاتتاۋ بەلگٸلەرٸ بار پٸكٸر جازعانى ٷشٸن ۇلتتىق الاۋىزدىق تۋدىرۋ جەنە سەپاراتيزم بويىنشا كٷدٸككە ٸلٸنٸپ وتىر», - دەلٸنگەن رەسمي حابارلامادا.
م.ياكوۆچەنكو رەسەيگە قاشىپ, كٶرشٸ ەل بيلٸگٸنەن پانا سۇراعان. رف ونىڭ ٶتٸنٸشٸن قاناعاتتاندىرىپ, 1 جىل مەرزٸمگە پانا بەرگەن. بۇل مەرزٸم بيىل 19 قازاندا اياقتالادى. قازاقستاننىڭ باس پروكۋراتۋراسى وسى مەرزٸم اياقتالعان كەزدە كٷدٸكتٸنٸ ەلگە قايتارۋدى سۇراپ وتىر.
ۆەدومستۆونىڭ اتالعان ٸس بويىنشا قولعا العان ٸس-ەرەكەتٸن ۇسىنامىز:
08.09.2022 جىلى كٷدٸكتٸنٸڭ ەرەكەتتەرٸ قر قىلمىستىق كودەكسٸ 174-بابىنىڭ 1-بٶلٸگٸمەن (ۇلتتىق الاۋىزدىق تۋدىردى), 180-بابىنىڭ 2-بٶلٸگٸمەن (سەپاراتيزم) سارالانعان.
21.09.2022 جىلى بقو پروكۋراتۋراسى م.ۆ. ياكوۆچەنكوعا تاعىلعان ايىپ بويىنشا قىلمىستىق ٸستٸ قاراۋ ٷشٸن ورال قالالىق سوتىنا جٸبەردٸ.
11.10.2022 جىلى ياكوۆچەنكونىڭ كەلمەۋٸنە بايلانىستى سوت ونى مەجبٷرلەپ الىپ كەلۋ تۋرالى قاۋلى شىعاردى. ونى ورىنداۋ بارىسىندا ياكوۆچەنكو 21.09.2022 جىلى «سىرىم» ٶتكٸزۋ پۋنكتٸندە رەسەيمەن مەملەكەتتٸك شەكارانى كەسٸپ ٶتكەنٸ انىقتالدى.
14.10.2022 جىلى سوت بۇلتارتپاۋ شاراسىن «كٷزەتپەن ۇستاۋعا» ٶزگەرتٸپ, كٷدٸكتٸگە ٸزدەۋ جارييالاندى.
01.12.2022 جىلى م.ۆ ياكوۆچەنكو رەسەي فەدەراتسيياسىنىڭ روستوۆ وبلىسىندا ۇستالدى. بٸراق ول 1 جىل مەرزٸمگە (19.10.2023 جىلعا دەيٸن) ۋاقىتشا پانا بەرٸلۋٸنە بايلانىستى, بوساتىلدى.
28.02.2023 جىلى قر باس پروكۋراتۋراسى قارالىپ جاتقان قىلمىستىق ٸس اياسىندا جاۋاپكەرشٸلٸككە تارتۋ ٷشٸن ياكوۆچەنكونى بەرۋ تۋرالى رەسەي فەدەراتسيياسىنىڭ باس پروكۋراتۋراسىنا سۇراۋ جولدادى.
17.07.2023 جىلى تەلەفون ارقىلى سٶيلەسۋ بارىسىندا رەسەي فەدەراتسيياسىنىڭ باس پروكۋراتاسىنىڭ ورىنداۋشىسى سۇراۋدىڭ قاراۋعا الىنعانىن راستادى.
ەسكە سالا كەتەيٸك, ٶتكەن جىلى 4 مامىردا ەلەۋمەتتٸك جەلٸدە ارانداتۋشىلىق پٸكٸر جازعان ورال تۇرعىنىنا قاتىستى ٸس قوزعالعان ەدٸ.
