قازاقستان مەن رەسەي پرەزيدەنتتەرٸنٸڭ رەسمي كەزدەسۋٸنٸڭ قورىتىندىسى بويىنشا جۋرناليستەرمەن باسپاسٶز مەسليحاتىن ٶتكٸزگەن ۆلاديمير پۋتين جوعارى ەۋرازييالىق ەكونوميكالىق قاۋىمداستىعىنىڭ مەجٸلٸسٸنە قاتىساتىنىن ايتتى.
اتالمىش شارا 29 مامىردا نۇر-سۇلتاندا ٶتەدٸ, دەپ حابارلايدى قازاقپارات اگەنتتٸگٸ.
«قازاقستان پرەزيدەنتٸ توقاەۆپەن بٸز جۋىردا تاعى كەزدەسەمٸز. 29 مامىردا نۇر-سۇلتاندا جوعارى ەۋرازييالىق ەكونوميكالىق قاۋىمداستىعىنىڭ مەجٸلٸسٸ ٶتەدٸ. بۇل جيىن وسى ۇيىمنىڭ 5 جىلدىعىنا قاراي ۇيىمداستىرىلعالى وتىر», - دەدٸ ۆ. پۋتين.
رەسەي باسشىسى ٶز سٶزٸندە 5 جىلدىق مەرەكەگە بايلانىستى ٶتكٸزٸلگەلٸ وتىرعان جيىننىڭ ەۋرازەق-تٸ بەكٸتۋ تۋرالى كەلٸسٸمگە قول قويىلعان قازاقستان استاناسىندا ۇيىمداستىرىلۋى جاقسىلىقتىڭ نىشانى ەكەنٸن اتاپ ٶتتٸ.
«وسىلايشا, بٸز وداقتى قۇرۋعا ۇسىنىس جاساپ, ەۋرازييالىق ىقپالداستىق جوباسىنىڭ نەگٸزٸن قالاۋدا ماڭىزدى رٶل اتقارعان نۇرسۇلتان ەبٸشۇلى نازارباەۆتىڭ ەڭبەگٸنە نازار اۋدارعىمىز كەلەدٸ», - دەدٸ رەسەي پرەزيدەنتٸ.
سونداي-اق, ۆلاديمير پۋتين قاسىم-جومارت توقاەۆتى رەسەي مەن قازاقستاننىڭ XVI ٶڭٸرارالىق ىنتىماقتاستىق فورۋمىنا شاقىردى.
«بيىلعى جىلى جيىن ومسكٸدە قاراشا ايىندا ٶتەدٸ. مەن وعان قازاقستان پرەزيدەنتٸن دە شاقىردىم», - دەدٸ رەسەي باسشىسى.
ۆ.پۋتين سونىمەن قاتار ومسكٸدە ٶتەتٸن ٶڭٸرارالىق ىنتىماقتاستىق مەسەلەسٸنە ارنالعان شارا اياسىندا قازاقستان مەن رەسەيدٸڭ جاس كٶشباسشىلارى فورۋمى ٶتەتٸندٸگٸن ايتتى.
«وسى شارا اياسىندا رەسەي مەن قازاقستاننىڭ جاس كٶشباسشىلارىنىڭ فورۋمىن ٶتكٸزۋ دۇرىس دەپ شەشتٸك», - دەپ قوستى ۆلاديمير پۋتين.
«سٶز سوڭىندا قازاقستان پرەزيدەنتٸنە, قازاقستاننان كەلگەن بارلىق ەرٸپتەستەرٸمە جەنە دوستارىمىزعا اۋقىمدى, نەتيجەلٸ كەلٸسسٶزدەر ٷشٸن العىسىمدى بٸلدٸرگٸم كەلەدٸ. بٷگٸنگٸ كەزدەسۋٸمٸزدٸڭ نەتيجەسٸ قازاقستان مەن رەسەيدٸڭ وداقتاس رەتٸندەگٸ قارىم-قاتىناسىنا يگٸ ىقپالىن تيگٸزەدٸ دەگەن ويدامىن», - دەدٸ رەسەي باسشىسى مەسكەۋدە ٶتكەن كەلٸسسٶزدەر قورىتىندىسى بويىنشا.
