رەسەي مەن ۋكراينا 2020 جىلدىڭ 1 قاڭتارىنان باستاپ گاز تاسىمالداۋدىڭ نەگٸزگٸ شارتتارى بويىنشا كەلٸسٸمگە كەلدٸ. بۇل اقپاراتتى ەۋروكوميسسييانىڭ ۆيتسە-پرەزيدەنتٸ ماروش شەفچوۆيچ بەرليندەگٸ باسپاسٶز جيىنىندا ايتتى. گەرمانييا مەن ەۋرووداق ٶكٸلدەرٸنٸڭ قاتىسۋىمەن بولعان كەزدەسۋ توعىز ساعاتقا سوزىلدى, دەپ حابارلادى dpa اگەنتتٸگٸ.
رەسەيدٸڭ ەنەرگەتيكا مينيسترٸ الەكساندر ناۆاكتىڭ سٶزٸنشە, تاراپتار بولاشاق كەلٸسٸمنٸڭ شارتتارى جازىلعان حاتتامانى ەزٸرلەگەن. ۋكراينانىڭ ەنەرگەتيكا مينيسترٸ الەكسەي ورجەل حاتتاما جايلى اقپاراتتى راستادى.
شەفشوۆيچتٸڭ سٶزٸنە قاراعاندا كەلٸسٸم-شارت 20 جەلتوقساندا مەسكەۋ مەن كيەۆتە تالقىلانباق. ەۋروكوميسسييانىڭ ۆيتسە-پرەزيدەنتٸ جىل سوڭىنا دەيٸن كەلٸسٸمگە قول قويىپ ٷلگەرەتٸن شىعارمىز دەپ ٷمٸت بٸلدٸردٸ.
Dpa اگەنتتٸگٸنٸڭ جازۋىنشا, تاراپتار ۋكراينا ارقىلى ەۋروپاعا تاسىمالداناتىن گاز كٶلەمٸ مەن بولاشاق كەلٸسٸمنٸڭ مەرزٸمٸ بويىنشا كەلٸسٸمگە كەلگەن. بٸراق ەزٸرگە ونىڭ جاي-جاپسارى ايتىلمايدى.
قازٸرگٸ كەلٸسٸم-شارتتىڭ مەرزٸمٸ 2019 جىلى 31 جەلتوقساندا اياقتالادى. بۇل كەلٸسٸمدٸ ۇزارتۋ مەسەلەسٸن رەسەي مەن ۋكراينا باسشىلارى پاريجدە ەڭ العاش رەت كەزدەسكەن كەزدە دە تالقىلاعان, بٸراق تٷبەگەيلٸ كەلٸسٸمگە كەلە الماعان.
