ۋكراينا بيلٸگٸ رەسەي ەسكەرٸ حاركوۆ پەن زاپوروجەدەگٸ ينفراقۇرىلىمداردى زىمىرانمەن اتقىلاعانىن حابارلادى. جارالانعاندار بار, دەپ جازادى ازاتتىق.
حاركوۆ مەرٸ يگور تەرەحوۆ 21 قازاندا تاڭەرتەڭ قالاعا شابۋىل جاسالعانىن مەلٸمدەدٸ.
"حاركوۆتە جارىلىستار بولدى. ٶتە ساق بولىڭىزدار" دەپ جازدى ول تەلەگرام-ارناسىندا.
ونىڭ ايتۋىنشا, حاركوۆتەگٸ كەسٸپورىنداردىڭ بٸرٸنە زىمىران تٷسكەن. كەسٸپورىن اۋماعىنداعى ەكٸمشٸلٸك-ٶندٸرٸس عيماراتى قيراعان.
حاركوۆ وبلىسىنىڭ باسشىسى ولەگ سينەگۋبوۆ ورىس ارميياسىنىڭ سوققىسىنان كەيٸن بەس ادامنىڭ جارالانعانىن ايتتى. بۇعان قوسا, ٶنەركەسٸپ ينفراقۇرىلىمدارى دا بٷلٸنگەن. كەيٸن ول جارالانعاندار سانى التى ادام بولعانىن جەتكٸزدٸ.
رەسەي قورعانىس مينيسترلٸگٸ حاركوۆكە سوققى جٶنٸندە حابارلامادى, الايدا ەكٸ اپتادان بەرٸ ۋكراينانىڭ ەنەرگەتيكا نىساندارىن زىمىرانمەن اتقىلاپ جاتقانىن راستاپ كەلەدٸ.
رەسەي ەسكەرٸنٸڭ شابۋىلى جالعاسىپ جاتقان تۇستا زاپوروجە وبلىسى ەكٸمشٸلٸگٸنٸڭ جەتەكشٸسٸ الەكساندر ستارۋح حالىقتى بومبادان قورعايتىن ورىنداردا قالۋعا شاقىردى.
كەيٸن ول شابۋىلدىڭ نەتيجەسٸندە قالادا زىمىران سىنىقتارى قالۋى مٷمكٸن ەكەنٸن ەسكەرتٸپ, بٶلشەكتەرگە جولاماۋعا ٷندەدٸ.
"قارسىلاس جاقتىڭ سوققىسىنان الدىن الا مەلٸمەت بويىنشا تۇرعىن ٷيلەر مەن قالا ينفراقۇرىلىمى قيرادى. قيراعان نىساندار مەن زارداپ شەككەندەر جايدى اقپارات انىقتالىپ جاتىر" دەدٸ شابۋىلداردىڭ جاي-جاپسارىنا توقتالعان زاپوروجە قالالىق كەڭەسٸنٸڭ حاتشىسى اناتوليي كۋرتەۆ.
