ٷسكٸرٸك اياز بەن پوليتسييانىڭ قىسىمىنا قاراماستان, رەسەي قالالارىندا مىڭداعان ادام وپپوزيتسيياداعى ساياساتكەر الەكسەي ناۆالنىيدى قاماۋدان بوساتۋدى تالاپ ەتٸپ, ميتينگٸگە شىقتى.
كرەملدٸ ٶتكٸر سىناپ جٷرگەن ناۆالنىي گەرمانييادا ەم الىپ كەلگەن بەتتە, 17 قاڭتاردا مەسكەۋ ەۋەجايىندا ۇستالعان. بىلتىر تامىزدا "نوۆيچوك" ۋىمەن ۋلانىپ, ەس-تٷسسٸز كٷيٸندە گەرمانيياعا جەتكٸزٸلگەن ول سوندا ۇزاق ۋاقىت ەمدەلٸپ, ەلٸنە قايتقان ەدٸ.
العاشقى دەمونستراتسييالار قيىر شىعىس پەن سٸبٸردە ٶتتٸ. حاباروۆسك, ۆلاديۆوستوك جەنە باسقا قالالاردا كٷننٸڭ سۋىقتىعىنا جەنە قاۋٸپسٸزدٸكتٸڭ كٷشەيتٸلگەنٸنە قاراماستان, جٷزدەگەن ادام كٶشەگە شىقتى.
پوليتسييا بەلسەندٸلٸگٸنە باقىلاۋ جاساپ وتىراتىن "وۆد-ينفو" توبىنىڭ مەلٸمەتٸ بويىنشا, ونداعان ادام ۇستالعان, پوليتسەيلەر ۇستالعانداردىڭ كەيبٸرٸن ۇرىپ جاتىر دەگەن دە اقپارات بار.
ۆلاديۆوستوكتا تٷسٸرٸلگەن ۆيدەودا ارنايى كيٸم كيٸپ, رەزەڭكە شوقپار ۇستاعان پوليتسەيلەر نارازىلاردى كٷشپەن تاراتۋعا تىرىسىپ جاتقانى بايقالادى.
قاتتى جەلگە جەنە اۋا رايىنىڭ 50 گرادۋسقا دەيٸن سۋىتقانىنا قاراماستان, قيىر شىعىستاعى ياكۋتسك قالاسىندا جۇرت نارازىلىق شاراسىن ٶتكٸزگەن.
ەدەتتە بيلٸككە نارازىلىق جيىندارىنا كٸسٸ كٶپ جينالاتىن مەسكەۋدە پۋشكين الاڭىندا دەمونستراتسييا ٶتپەك.
رەسەيدٸڭ 65 قالاسىندا ۇيىمداستىرىلادى دەگەن جاپپاي نارازىلىق قارساڭىندا پوليتسييا ناۆالنىي جاقتاستارىن ۇستاپ, ەلەۋمەتتٸك مەديا پلاتفورمالارىندا "رۇقسات ەتٸلمەگەن ميتينگٸگە" شاقىرعان ادامدارعا ايىپپۇل سالىنادى دەپ ەسكەرتۋ جاسادى.
پاندەمييا مەن ەكونوميكالىق توقىراۋ كەزٸندە, قىستىڭ ورتاسىندا ٶتٸپ جاتقان ناۆالنىي جاقتاستارىنىڭ بۇل نارازىلىعى قىركٷيەكتە ٶتەدٸ دەگەن پارلامەنت سايلاۋىنىڭ قارساڭىندا رەسەي بيلٸگٸ ٷشٸن ٷلكەن سىناق بولماق.
كرەمل ەدەتتە 44 جاستاعى ناۆالنىيدىڭ قوعامداعى رٶلٸن ەلەمەگەندەي سىڭاي تانىتادى, دەگەنمەن وپپوزيتسييا بەلسەندٸلەرٸنٸڭ ايتۋىنشا, قۇقىق قورعاۋ ورگاندارىنىڭ ناۆالنىي مەن ونىڭ جاقتاستارىنا قارسى ەرەكەتٸ بيلٸكتٸڭ ودان قاتتى قورقاتىنىن ايعاقتايدى.
"كرەمل نارازىلىقتىڭ الدىن الماق بولعان جانتالاس ٷستٸندە ٶزٸن ٶزٸ اياعىنان اتتى. 23 قاڭتارداعى دەمونستراتسييا بٸردەن نەتيجە بەرمەۋٸ مٷمكٸن, بٸراق الەكسەي ناۆالنىيدى بوساتۋدى تالاپ ەتەمٸز جەنە مۇنداي اكتسييالار قايتا-قايتا ٶتكٸزٸلە بەرەدٸ" دەدٸ ازاتتىقتىڭ "ناستوياششەە ۆرەميا" ارناسىنا سۇحبات بەرگەن "جەمقورلىقپەن كٷرەس" قورىنىڭ ٷيلەستٸرۋشٸسٸ لەونيد ۆولكوۆ.
سوڭعى كٷندەرٸ پوليتسەيلەر تٸنتۋ جٷرگٸزٸپ, بەلسەندٸلەردٸ قاماۋ ارقىلى نارازىلىقتى كٷشپەن باسىپ تاستاۋعا ەزٸر ەكەنٸن اڭعارتتى.
ناۆالنىي جاقتاستارى بيلٸكتٸڭ "كٶشەگە شىقپا" دەگەن ەسكەرتۋٸن ەلەمەۋگە شاقىردى.
"رۇقسات ەتٸلمەگەن ميتينگ ۇيىمداستىردى" دەپ قاماۋعا الىنعان ناۆالنىيدىڭ باسپاسٶز حاتشىسى كيرا يارمىش Twitter ارقىلى ٷندەۋ جاسادى. "9 تەۋلٸككە قامالدىم. بٸراق سٸزدەر نە ٸستەۋ كەرەگٸن بٸلەسٸزدەر. 23 قاڭتار, ساعات 14:00-دە قالانىڭ باستى كٶشەلەرٸنە شىعىڭىزدار" دەپ جازدى يارمىش.
