رەسەيدٸڭ كٶلٸك پوليتسيياسى وپپوزيتسييالىق ساياساتكەر الەكسەي ناۆالنىيدىڭ اۋرۋحاناعا تٷسۋٸنە بايلانىستى تەكسەرۋ جۇمىستارىن باستادى. بۇل تۋرالى ٸشكٸ ٸستەر مينيسترلٸگٸ حابارلادى. كٶلٸك پروكۋراتۋراسى دا وقيعانى زەرتتەي باستاعان.
رەسمي اقپارات بويىنشا, پوليتسييا ساياساتكەر توقتاعان تومسكٸدەگٸ قوناق ٷيدٸ قاراپ, "جٷزدەن استام زات" تەركٸلەگەن, ۆيدەو كامەرالارداعى دەرەكتٸ سارالاعان. ۆەدومستۆو ەزٸرگە "اعزاعا قاتتى ەسەر ەتەتٸن نەمەسە ەسٸرتكٸ زاتتارى" تابىلمادى دەدٸ.
رەسەي پرەزيدەنتٸ ۆلاديمير پۋتيننٸڭ قارسىلاسى, جەمقورلىققا قارسى ناۋقان جٷرگٸزگەن الەكسەي ناۆالنىي 20 تامىزدا تومسكٸدەن مەسكەۋگە بارا جاتقان ۇشاقتىڭ ٸشٸندە ەسٸنەن تالىپ, ارتىنان كوماعا تٷسكەن. ناۆالنىي ۇشاققا وتىرماس بۇرىن تومسك ەۋەجايىندا بٸر كەسە شەي ٸشكەن. ونىڭ جاقتاستارى سول شەيعا ۋ قوسىلعان دەپ سانايدى. ال ونى ومبىدا ەمدەگەن دەرٸگەرلەر بۇعان دەيٸن زات الماسۋ پروتسەسٸنٸڭ بۇزىلعانىن, اعزاسىنان قاۋٸپتٸ زات تابىلمادى دەپ حابارلاعان بولاتىن.
22 تامىزدا ساياساتكەردٸڭ تۋىستارى مەن جاقتاستارىنىڭ ٶتٸنٸشٸ بويىنشا ناۆالنىي گەرمانيياداعى "شاريتە" كلينيكاسىنا اۋىستىرىلعان. وسى اپتا باسىندا نەمٸس دەرٸگەرلەرٸ ونىڭ اعزاسىنان قاۋٸپتٸ زات تابىلعانىن حابارلاعان.
بۇعان دەيٸن ساياساتكەردٸڭ وتباسى مەن جاقتاستارى "قوعام بەلسەندٸسٸنٸڭ ٶمٸرٸنە قاستاندىق جاساۋ" بابى بويىنشا قىلمىستىق ٸس قوزعاۋدى تالاپ ەتكەن. ۆلاديمير پۋتيننٸڭ باسپاسٶز حاتشىسى دميتريي پەسكوۆ وقيعانىڭ مەن-جايى تولىق اياقتالمايىنشا ٸس قوزعاۋعا نەگٸز جوق دەپ ايتقان ەدٸ.
باتىس ەلدەرٸ رەسەي بيلٸگٸن ناۆالنىيدىڭ ۋلانۋىن جان-جاقتى زەرتتەۋگە شاقىرعان. اقش پەن ەۋرووداق وپپوزيتسييالىق ساياساتكەردٸڭ ۋلانۋىنا بيلٸكتٸڭ قاتىسى بارى راستالسا, سانكتسييا سالاتىنىن ايتىپ ەسكەرتكەن.
