رەسەي فەدەراتسييا كەڭەسٸنٸڭ تٶرايىمى ۆالەنتينا ماتۆيەنكو رەسەي تاراپى ەۋروپا كەڭەسٸ قۇرامىنان شىعۋ ىقتيمالدىعىن قاراستىرىپ جاتقانىن مەلٸمدەدٸ. بۇل تۋرالى ماتۆيەنكو ەۋروپا كەڭەسٸ پارلامەنتتٸك اسسامبلەياسىنىڭ (ەكپا) تٶرايىمى ليليان موري پاسكەمەن كەزدەسۋٸندە حابارلادى.
ۆالەنتينا ماتۆيەنكونىڭ سٶزٸنشە, مەسكەۋ رەسەي ەكپا-دا داۋىس بەرۋ قۇقىعىنان ايىرىلعاندىقتان بۇل ۇيىمداعى جاعدايدى "سىن كٶتەرمەيدٸ" دەپ سانايدى. "بٸز ەندٸ كٶپ مەسەلەدە ليگيتيمدٸلٸك بارىنا كٷمەن كەلتٸرٸپ وتىرمىز" دەپ مەلٸمدەدٸ فەدەراتسييا كەڭەسٸنٸڭ تٶرايىمى.
رەسەي 2014 جىلى قىرىمدى اننەكسييالاپ الىپ, ۋكراينا شىعىسىنداعى سەپاراتيستەردٸ قولداعانى ٷشٸن ەكپا-دا داۋىس بەرۋ قۇقىعىنان ايىرىلعان. ەكپا-داعى رەسەي دەپۋتاتتارىنا اسسامبلەيا جيىندارىنا قاتىسىپ, سٶز سٶيلەۋگە جەنە كوميتەتتەردە جۇمىس ٸستەۋگە عانا قۇقىق بەرٸلگەن. مەسكەۋ بۇدان سوڭ قارسىلىق رەتٸندە ەكپا سەسسييالارىنا قاتىسۋدان باس تارتقان. 2017 جىلى جازدا رەسەي ەۋروپا كەڭەسٸنٸڭ بيۋدجەتٸنە جارنا تٶلەۋدٸ توقتاتقان.
پاسكە بۇعان دەيٸن مەسكەۋدٸ ۋكرايناعا قارسى باسقىنشىلىق ساياسات ۇستانادى جەنە رەسەيدەگٸ دەموكراتييالىق ەركٸندٸكتەردٸ شەكتەيدٸ دەپ بٸرنەشە رەت سىناعان. دەگەنمەن, ەكپا باسشىسى رەسەي بيلٸگٸمەن اسسامبلەيا اياسىندا ديالوگتىڭ ساقتالعانىن قولدايدى.
