Resei Federatsiia keńesiniń tóraiymy Valentina Matvienko Resei tarapy Eýropa keńesi quramynan shyǵý yqtimaldyǵyn qarastyryp jatqanyn málimdedi. Bul týraly Matvienko Eýropa keńesi parlamenttik assambleiasynyń (EKPA) tóraiymy Lilian Mori Paskemen kezdesýinde habarlady.
Valentina Matvienkonyń sózinshe, Máskeý Resei EKPA-da daýys berý quqyǵynan aiyrylǵandyqtan bul uiymdaǵy jaǵdaidy "syn kótermeidi" dep sanaidy. "Biz endi kóp máselede ligitimdilik baryna kúmán keltirip otyrmyz" dep málimdedi Federatsiia keńesiniń tóraiymy.
Resei 2014 jyly Qyrymdy anneksiialap alyp, Ýkraina shyǵysyndaǵy separatisterdi qoldaǵany úshin EKPA-da daýys berý quqyǵynan aiyrylǵan. EKPA-daǵy Resei depýtattaryna assambleia jiyndaryna qatysyp, sóz sóileýge jáne komitetterde jumys isteýge ǵana quqyq berilgen. Máskeý budan soń qarsylyq retinde EKPA sessiialaryna qatysýdan bas tartqan. 2017 jyly jazda Resei Eýropa keńesiniń biýdjetine jarna tóleýdi toqtatqan.
Paske buǵan deiin Máskeýdi Ýkrainaǵa qarsy basqynshylyq saiasat ustanady jáne Reseidegi demokratiialyq erkindikterdi shekteidi dep birneshe ret synaǵan. Degenmen, EKPA basshysy Resei biligimen assambleia aiasynda dialogtyń saqtalǵanyn qoldaidy.
