رەسەيدٸڭ جازانى اتقارۋ فەدەرالدىق قىزمەتٸ (فسين) وپپوزيتسييالىق ساياساتكەر الەكسەي ناۆالنىيدان 29 جەلتوقسانعا دەيٸن ۆەدومستۆونىڭ مەسكەۋدەگٸ بٶلٸمشەسٸنە جولىعىپ, تٸركەلۋدٸ تالاپ ەتتٸ. ۆەدومستۆو ەيتپەسە ساياساتكەردٸڭ شارتتى جازاسى تٷرمە جازاسىنا اينالۋى مٷمكٸن دەپ ەسكەرتكەن.
ناۆالنىيدىڭ ادۆوكاتى ۆاديم كوبزەۆ Twitter-دە وسىلاي دەپ جازدى.
ايتا كەتەيٸك, ناۆالنىي قازٸر گەرمانييادا دەنساۋلىعىن تٷزەپ جٷر.
فسين رەسمي سايتىنداعى حابارلامادا Lancet جۋرنالىنىڭ 22 جەلتوقسان كٷنگٸ ماقالاسىنا سٸلتەپ, ناۆالنىيدىڭ 20 قىركٷيەكتە اۋرۋحانادان شىعارىلعانىن اتاپ ٶتكەن.
"ماقالاعا سەنسەك, ا.ا.ناۆالنىي "شاريتە" كلينيكاسىنان 20 قىركٷيەكتە شىعارىلعان, ال 12 قازانعا تامان قۇلان-تازا ايىققان. وسىلايشا شارتتى تٷردە سوتتالۋشى سوت مٸندەتتەگەن شارتتاردى ورىنداماي, قىلمىستىق-اتقارۋ ينسپەكتسيياسى باقىلاۋىنان جالتارىپ جٷر" دەلٸنگەن حابارلامادا.
فسين سوتتالۋشىنىڭ قىلمىستىق-اتقارۋ ينسپەكتسيياسىنان جالتارىپ جٷرگەنٸ راستالسا, شارتتى جازانى تٷرمە جازاسىمەن الماستىرۋ تۋرالى سوتقا ٶتٸنٸش تٷسٸرە الاتىنىن دا ەسكەرتكەن.
ال ناۆالنىيدىڭ باسپاسٶز حاتشىسى كيرا يارمىشتىڭ ايتۋىنشا, 30 جەلتوقساندا ناۆالنىيدىڭ باقىلاۋدا بولۋ مەرزٸمٸ اياقتالادى. الايدا فسين سوتقا ٶتٸنٸش تٷسٸرٸپ, ٶتٸنٸشٸ قاناعاتتاندىرىلسا, ناۆالنىيعا شىنىمەن تٷرمەگە قامالۋ قاۋپٸ تٶنەدٸ.
"يۆ روشە" دەگەن اتپەن تانىلعان ٸس بويىنشا ناۆالنىي 2014 جىلى 30 جەلتوقساندا 3,5 جىلعا شارتتى تٷردە سوتتالعان. وعان "الاياقتىق" بابى بويىنشا ايىپ تاعىلدى. ناۆالنىي تاعىلعان ايىپتى جوققا شىعاردى. ول ٸستٸڭ ساياسيلانعانىن ايتقان.
"فسين "لانسەتتەگٸ" ماقالاعا سٷيەنە وتىرىپ, مەنٸ قاماۋدى تالاپ ەتەيٸن دەپ جاتىر. بٸراق كەشٸرٸڭٸز, ماقالا مەنٸڭ "نوۆيچوك" ۋىمەن ۋلانعانىم جايلى بولاتىن. دەمەك, مەملەكەت رەسمي دەڭگەيدە ۋلانعانىمدى مويىندادى. ەندەشە قىلمىستىق ٸس قايدا?" دەپ جازدى ناۆالنىي.
ونىڭ ايتۋىنشا, بۇعان دەيٸن ەۋروپانىڭ ادام قۇقىعى جٶنٸندەگٸ سوتى ناۆالنىيدىڭ "يۆ روشە" ٸسٸ بويىنشا قۇقىقتارى بۇزىلعانىن راستاپ, رەسەيدٸ ٶتەماقى تٶلەۋگە مٸندەتتەگەن.
ەۋرووداق پەن رەسەي اراسىندا كوروناۆيرۋسقا بايلانىستى ەۋە قاتىناسى شەكتەلگەن, سول سەبەپتٸ ناۆالنىيدىڭ 29 جەلتوقسانعا دەيٸن مەسكەۋگە بارۋى تەورييا جٷزٸندە دە مٷمكٸن ەمەس دەيدٸ كەيبٸر ساراپشىلار.
- تامىز ايىندا تومسكٸدەن مەسكەۋگە ۇشىپ بارا جاتقان ناۆالنىيدىڭ حەلٸ كٷرت ناشارلاپ, ەسٸنەن تانىپ قالعان. پيلوت ۇشاقتى جول بويىنداعى ومسكٸگە جەدەل قوندىرىپ, ەۋەجايعا شاقىرتىلعان جەدەل جەردەم قىزمەتٸ ناۆالنىيعا اتروپين دەرٸسٸن بەرٸپ, ونى جەرگٸلٸكتٸ اۋرۋحاناعا جاتقىزعان. ەكٸ كٷننەن كەيٸن ەس-تٷسسٸز جاتقان ناۆالنىيدى ارنايى مەديتسينالىق ۇشاقپەن بەرلينگە الىپ كەتكەن. بەرليندە الىنعان بيولوگييالىق ٷلگٸلەر ناۆالنىيدىڭ "نوۆيچوك" ۋىمەن ۋلانعانىن كٶرسەتتٸ. بۇل نەتيجەنٸ باسقا تەۋەلسٸز زەرتتەۋلەر دە راستاعان. رەسەي پرەزيدەنتٸ ۆلاديمير پۋتين ناۆالنىيدا ەلدەن شىعۋعا شەكتەۋ بارىن ايتىپ, ونى شەتەلگە ەمدەۋگە جٸبەرۋگە جەكە ٶزٸ اتسالىسقانىن ايتقان. ال ناۆالنىي شارتتى جازاعا قاراماستان ٶزٸندە شەكتەۋ جوعىن ايتقان.
- فسين سٷيەنگەن Lancet جۋرنالىنداعى ماقالادا ناۆالنىيدىڭ "قۇلاق-تازا ايىعىپ كەتكەنٸ" ايتىلماعان - 12 قازاندا ساياساتكەردە نەۆروپوتولوگييا-پسيحوسوماتيكالىق اۋىتقۋشىلىقتار بٸلٸنبەدٸ دەپ جازىلعان.
