رەسەي باس مٷفتيٸ تالعات تادجۋددين مۇحاممەد پايعامبار كاريكاتۋراسىنا بولا جاۋلاسۋدىڭ قاجەتٸ جوق دەپ سانايدى. ونىڭ پٸكٸرٸن ربك سايتى جارييالادى.
"بٸرەۋ بٸر نەرسەنٸ سالىپ قويىپتى دەپ تٷككە تۇرمايتىن نەرسە ٷشٸن سوعىس جارييالاپ, جاۋلاسۋدىڭ قاجەتٸ جوق - مۇنداي ٸستٸ قۇداي دا, قۇداي ەلشٸسٸ دە, قۇدايعا سەنەتٸن ادامدار دا جاراتپايدى, بۇل - تابيعيلىققا, ٶمٸرگە جات نەرسە" دەدٸ باس مٷفتي.
ونىڭ سٶزٸنە قاراعاندا, مۇحاممەد پايعامبار "كەك قايتارۋدى ەشقاشان ناسيحاتتاماعان جەنە كەشٸرٸمدٸ جوعارى باعالاعان".
ول فرانتسييا پرەزيدەنتٸ مەن ونى جاقتاعان فرانتسۋزداردى "بارشا مۇسىلماننىڭ جاۋى" دەپ اتاعان شەشەنستان مٷفتيٸنٸڭ سٶزٸن جەكە پٸكٸرٸ دەپ قابىلداۋ قاجەتتٸگٸن ايتتى.
16 قازاندا پاريجدە ساباق كەزٸندە وقۋشىلارعا مۇحاممەد پايعامبار كاريكاتۋراسىن كٶرسەتكەن 47 جاستاعى مەكتەپ مۇعالٸمٸ ساميۋەل پاتي كٸسٸ قولىنان قازا تاپتى.
وسىدان سوڭ فرانتسييا پرەزيدەنتٸ ەممانۋەل ماكرون شابۋىلدى "يسلاميستەر تەراكتٸسٸ" دەپ اتاپ, زايىرلى قوعام قۇندىلىقتارىن قورعاۋعا شاقىرعان. ماكرون مەلٸمدەمەسٸ بٸرقاتار مۇسىلمان ەلدەرٸندە نارازىلىق تۋعىزدى. ماكروننىڭ ساياسي يسلام جايلى مەلٸمدەمەسٸن تٷركييا پرەزيدەنتٸ رەجەپ تايىپ ەردوعان "يسلامدى قورلاۋ" دەپ باعالاپ, فرانتسۋز ٶنٸمدەرٸنە بويكوت جارييالاعان. شەشەنستان باسشىسى رامزان قادىروۆ ماكروننىڭ "قىلمىسكەردەن جٷز ەسە جامان" ەكەنٸن ايتسا, شەشەنستان مٷفتيٸ ونى "بارشا مۇسىلماننىڭ جاۋى" دەپ اتاعان.
قادىروۆ سٶزٸنە تٷسٸنٸكتەمە بەرگەن رەسەي پرەزيدەنتٸنٸڭ باسپاسٶز حاتشىسى دميتريي پەسكوۆ جەنە رەسەي ليبەرال-دەموكراتييالىق پارتيياسىنىڭ جەتەكشٸسٸ ۆلاديمير جيرينوۆسكيي سۋبەكت باسشىلارى سىرتقى ساياساتپەن ارالاسپاۋى تيٸس دەپ مەلٸمدەگەن. پەسكوۆقا جاۋاپ قاتقان قادىروۆ "بۇل تاقىرىپتى وعان جەكە تٷسٸندٸرۋدٸڭ قاجەتٸ جوق" دەپ, جيرينوۆسكييدەن كەشٸرٸم سۇراۋدى تالاپ ەتكەن.
