جەكسەنبٸ, 5 ماۋسىم كٷنٸ تاڭەرتەڭ رەسەي ەسكەرٸ ۋكراينا استاناسى كيەۆكە زىمىرانمەن سوققى جاسادى, دەپ حابارلايدى ازاتتىق.
جارىلىس قالانىڭ دارنيتسك جەنە دنەپروۆسك اۋداندارىندا بولعان. بۇل جٶنٸندە قالا مەرٸ ۆيتاليي كليچكو تەلەگرام ارناسىندا مەلٸمدەدٸ.
اتالعان اۋداندار دنەپردٸڭ سول جاعالاۋىندا ورنالاسقان. ەزٸرگە تولىق ەمەس مەلٸمەت بويىنشا, قازا بولعاندار جوق, بٸر ادام اۋرۋحاناعا تٷسكەن.
ۋكراينا پرەزيدەنتٸ كەڭسەسٸنٸڭ ٶكٸلٸ سەرگەي لەششەنكو نەگٸزٸنەن تەمٸر جول ينفراقۇرىلىمىنا سوققى جاسالعانىن ايتتى. الايدا ناقتى قاي نىسانعا شابۋىل جاسالعانى بەلگٸسٸز.
ۋكراينانىڭ "ەنەرگواتوم" كەسٸپورنىنىڭ مەلٸمەتٸنە سەيكەس, كيەۆكە جٸبەرٸلگەن قاناتتى زىمىرانداردىڭ بٸرٸ "ٶتە تٶمەن" ۇشىپ, نيكولاەۆ وبلىسىنداعى اتوم ەلەكتر ستانتسيياسىنا تيە جازداعان.
رەسەي قورعانىس مينيسترلٸگٸ ەزٸرگە زىمىران سوققىلارىنا قاتىستى اقپارات تاراتپادى. سوڭعى رەت كيەۆكە زىمىراندار سەۋٸر ايىندا ۇشىرىلعان ەدٸ.
سونداي-اق, دونەتسك وبلىسى كراماتورسك قالاسىنىڭ مەرٸ جەكسەنبٸگە قاراعان تٷنٸ قالاداعى ەكٸ ٶنەركەسٸپ نىسانىنا ەۋەدەن سوققى جاسالعانىن ايتتى. ال وبلىس ەكٸمشٸلٸگٸنٸڭ جەتەكشٸسٸ پاۆەل كيريلەنكو 4 ماۋسىمدا زىمىران اتقىلاۋىنىڭ سالدارىنان ايماقتا التى ادام قازا بولعانىن حابارلادى.
بۇعان قوسا دنەپروپەتروۆسك وبلىسىنىڭ كريۆوروجسك اۋدانى ارتيللەرييا سوققىسىنا ۇشىراعان.
رەسەيدٸڭ كرەملشٸل اقپارات قۇرالدارىنىڭ تٸلشٸلەرٸ جەنە "دونەتسك حالىق رەسپۋبليكاسىنداعى" سەپاراتيستەر سەنبٸ كٷنٸ دونەتسك ورتالىعىنىڭ اتقىلاۋعا ۇشىراعانىن حابارلادى. تۇرعىن ٷيلەر بٷلٸنگەن, جارالانعاندار بار.
قازٸر ۋكراينادا كەسكٸلەسكەن شايقاس دونەتسك جەنە لۋگانسك وبلىستارىندا, ونىڭ ٸشٸندە سەۆەرودونەتسك, باحمۋت جەنە سلاۆيانسك قالالارىندا جٷرٸپ جاتىر. ۋكراينادا رەسەي باسقىنشىلىعىنىڭ جالعاسىپ جاتقانىنا 5 ماۋسىمدا 102 كٷن بولدى.
