جىل سايىن جوو رەكتورلارى قارجىلىق-شارۋاشىلىق قىزمەت پەن عىلىمي-زەرتتەۋ, وقىتۋ جۇمىستارى جٶنٸندە حالىق الدىندا ەسەپ بەرەدٸ, دەپ حابارلايدى قازاقپارات.
بۇل تۋرالى قر بٸلٸم جەنە عىلىم ۆيتسە-مينيسترٸ ميراس دەۋلەنوۆ ورتالىق كوممۋنيكاتسييالار قىزمەتٸندەگٸ بريفينگتە ەسكە سالدى.
«جوو-لاردى تٶرت سانات بويىنشا سارالاۋ ماڭىزدى باعىت بولىپ وتىر. بۇل – حالىقارالىق تەجٸريبە. بۇل جوعارى وقۋ ورىندارىنىڭ قانداي دەڭگەيدە ەكەنٸن تٷسٸنۋگە قاجەت. جوو-لاردى سارالاۋ نەگٸزٸندە تٷلەكتەردٸ جۇمىسقا ورنالاستىرۋ دەڭگەيٸ, ەلدٸڭ, ٶڭٸردٸڭ, قانداي دا بٸر سالانىڭ دامۋىنا قوسقان ٷلەسٸ بولادى, وسىلايشا اكادەمييالىق دەربەستٸك بٸرتە-بٸرتە كەڭەيەدٸ», - دەپ تٷسٸندٸردٸ ۆيتسە-مينيستر.
ونىڭ ايتۋىنشا, ەكٸنشٸ ماڭىزدى نەرسە – جوو-لاردىڭ باسقارۋ دەربەستٸگٸن قامتاماسىز ەتۋ. بۇل باعىتتاعى جۇمىس تٷبەگەيلٸ قايتا قۇرىلدى. ەندٸ جوو-لار القالىق باسقارۋ ورگاندارىن, فورمالارىن ايقىنداي الادى جەنە زاڭدى تۇرعىدا ولاردىڭ ناقتى تٷرلەرٸن, باسقارۋ ورگاندارىن ايقىنداۋ شەكتەلمەيدٸ.
«سونداي-اق, جوعارى بٸلٸم ساپاسىنا قويىلاتىن تالاپتاردى ارتتىرامىز. ياعني, بٸزدٸڭ تاراپىمىزدان جوعارى بٸلٸم بەرۋ جٷيەسٸ مەملەكەتتٸك ستاندارتتار, جوو قىزمەتٸنٸڭ ٷلگٸلٸك ەرەجەلەرٸ ارقىلى رەتتەلەدٸ. وسىعان بايلانىستى بٸز جىل سايىن جوو رەكتورلارى وقۋ ورنىنىڭ قارجىلىق-شارۋاشىلىق قىزمەتٸ, عىلىمي-زەرتتەۋ جەنە وقۋ جۇمىستارى بويىنشا جۇرتشىلىق الدىندا ەسەپ بەرەتٸنٸن كٶزدەپ وتىرمىز. بۇل «حالىق ٷنٸنە قۇلاق اساتىن مەملەكەت» تۇجىرىمداماسىنداعى ٶتە ماڭىزدى سەت. تاعى بٸر ايتا كەتەرلٸگٸ – شەتەلدٸك جوعارى وقۋ ورىندارىنداعى بٸلٸم الۋشىلار مەملەكەتتٸك تاپسىرىس بەرٸلگەن نەمەسە حالىقارالىق اككرەديتاتسيياسى بار جوعارى وقۋ ورىندارىنا اۋىستىرىلادى. بۇل دا بٸلٸم ساپاسىن ارتتىرۋعا باعىتتالعان», - دەدٸ م. دەۋلەنوۆ.
