قۇقىقتىق تەرتٸپتٸ قامتاماسىز ەتۋ ٷشٸن پوليتسييا كٷشەيتٸلگەن رەجيمدە قىزمەت اتقارىپ جاتىر. بۇل تۋرالى قر ٸشكٸ ٸستەر مينيسترلٸگٸ ەكٸمشٸلٸك پوليتسييا كوميتەتٸنٸڭ تٶراعاسى اتىعاي ارىستانوۆ مەلٸم ەتتٸ, دەپ حابارلايدى قازاقپارات.
«زاڭناماعا سەيكەس ٸشكٸ ٸستەر ورگاندارىنىڭ قىزمەتكەرلەرٸنە رەفەرەندۋم ٶتكٸزۋ كەزٸندە قۇقىقتىق تەرتٸپتٸ قامتاماسىز ەتۋ جٷكتەلگەن. سوندىقتان جالپى ٸشكٸ قۇرام كٷشەيتٸلگەن تەرتٸپتە قىزمەت اتقارىپ جاتىر. بيۋللەتەندەردٸ ەكەلەردٸڭ الدىندا بٷكٸل سايلاۋ ۋچاسكەلەرٸ قاۋٸپسٸزدٸككە قاتىستى تەكسەرٸلدٸ. وسى ورايدا ٶرت قاۋٸپسٸزدٸگٸ جٷيەسٸ دە قامتىلدى», - دەدٸ ارىستانوۆ «قازمەديا» ورتالىعىندا ٶتٸپ جاتقان «رەفەرەندۋم» ونلاين-مارافونىندا.
وسى ورايدا ول ەل اۋماعىنداعى جاعداي تۇراقتى ەكەنٸن ايتتى.
«جالپى ەلٸمٸز بويىنشا جاعداي تۇراقتى. ەشقانداي بۇزاقىلىق دەرەكتەرٸ تٸركەلمەدٸ», - دەدٸ كوميتەت باسشىسى.
