رەفورما جٶنٸندەگٸ رەفەرەندۋم ەكٸنشٸ رەسپۋبليكا قۇرۋعا قۇقىقتىق نەگٸز قالىپتاستىرادى. مۇنداي پٸكٸردٸ قر مەملەكەتتٸك حاتشىسى ەرلان قارين بٸلدٸردٸ, دەپ حابارلايدى قازاقپارات.
«بٷگٸن پرەزيدەنت ەل كونستيتۋتسيياسىنا ٶزگەرٸستەر ەنگٸزۋ جوباسى بويىنشا رەسپۋبليكالىق رەفەرەندۋم ٶتكٸزۋ تۋرالى جارلىققا قول قويدى . بۇل - مەملەكەت باسشىسىنىڭ ايرىقشا ساياسي ماڭىزى بار ماڭىزدى شەشٸمٸ. كونستيتۋتسييالىق رەفورما جٶنٸندەگٸ رەفەرەندۋم بۇل - پرەزيدەنتتٸك ساياسي رەفورمالار باعدارلاماسىن جٷزەگە اسىرۋدىڭ كەزەكتٸ كەزەڭٸ. باعدارلاما جٷيەلٸ سيپاتقا يە جەنە سۋپەرپرەزيدەنتتٸك مودەلدەن پرەزيدەنتتٸك رەسپۋبليكاعا تٷبەگەيلٸ كٶشۋدٸ, بٸرقاتار بيلٸكتٸك ٶكٸلەتتٸكتەردٸ قايتا بٶلۋدٸ, پارلامەنتتٸڭ رٶلٸ مەن مەرتەبەسٸن كٷشەيتۋدٸ, حالىقتىڭ ەلدٸ باسقارۋعا قاتىسۋىن كەڭەيتۋدٸ, ازاماتتاردىڭ قۇقىقتارىن قورعاۋداعى كونستيتۋتسييالىق تەتٸكتەردٸ كٷشەيتۋدٸ قامتيدى», - دەدٸ ەرلان قارين.
مەملەكەتتٸك حاتشىنىڭ اتاپ ٶتۋٸنشە, بۇل رەفورمالار قوعام مەن ساراپشىلاردىڭ سۇرانىسى مەن ۇسىنىسىنا نەگٸزدەلگەن.
«بۇل جولعى قازاقستانداعى رەفەرەندۋمنىڭ ەرەكشەلٸگٸ پرەزيدەنت ٶزٸنٸڭ ٶكٸلەتتٸگٸن كەڭەيتۋ ٷشٸن ەمەس, كەرٸسٸنشە بيلٸكتٸڭ باسقا ينستيتۋتتارىمەن ونى قايتا بٶلٸسۋگە باستاماشىلىق جاساۋىندا. وسىلايشا, كونستيتۋتسييالىق رەفورما جٶنٸندەگٸ الداعى رەفەرەندۋم ەكٸنشٸ رەسپۋبليكاعا – مەملەكەت پەن قوعام ٶزارا قارىم قاتىناسىنا جاڭا, بارىنشا تيٸمدٸ ەرٸ تەڭگەرٸمدٸ مودەلٸنە قۇقىقتىق نەگٸز قالىپتاستىرادى», - دەدٸ ەرلان قارين.
