مەدەنيەت جەنە سپورت مينيسترٸ اقتوتى رايىمقۇلوۆا ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ, «Kazakh Tourism» ۇلتتىق كومپانيياسى» اق باسقارما تٶراعاسى ەرجان ەركٸنباەۆپەن بٸرگە ماڭعىستاۋ وبلىسىنا جۇمىس ساپارىمەن باردى.
بۇل تۋرالى قر مەدەنيەت جەنە سپورت مينيسترلٸگٸنٸڭ باسپاسٶز قىزمەتٸ حابارلادى.
ولار ماڭعىستاۋ وبلىسىنىڭ ەكٸمٸ سەرٸكباي تۇرىموۆپەن, عالىمدارمەن جەنە جەرگٸلٸكتٸ قوعام ٶكٸلدەرٸمەن كەزدەسٸپ, بوزجىرا شاتقالىنداعى تۋريستٸك كەشەن قۇرىلىسىنىڭ قازٸرگٸ جاعدايىن تالقىلادى.
«ماڭعىستاۋدا تۋريزمنٸڭ بەلسەندٸ دامىپ كەلە جاتقان باعىتتارىنىڭ بٸرٸ – جاعاجاي تۋريزمٸمەن قاتار, ەكولوگييالىق تۋريزم. ەكولوگييالىق تۋريزمنٸڭ نەگٸزٸ – ادامدى تابيعي ورتاعا بەيٸمدەۋگە باعىتتالعان. تابيعات اياسىندا ساياحاتتاۋدىڭ ماقسات-مٷددەسٸ وسى. مۇنداي ساياحات بارىسىندا تۋريستەردٸڭ باستى نازارى ايماقتىڭ تابيعي ەرەكشەلٸگٸ مەن «جابايى تابيعات» اياسىندا دەمالۋدا بولادى», - دەيدٸ اقتوتى رايىمقۇلوۆا.
ونىڭ ايتۋىنشا, بيىل شٸلدە ايىندا Rixos Water World قوناقٷيٸنٸڭ اشىلۋى تۋريستەردٸڭ كٶپتەپ كەلۋٸنە جەنە ٸشكٸ تۋريزمنٸڭ دامۋىنا وڭدى ەسەر ەتتٸ.
«باستاپقى كەزەڭدە تۋريستەر كٶپتەن كەلگەن جاعدايدا نە ٸستەۋگە بولاتىنىن دۇرىستاپ رەتتەپ الماسا, دۇرىس ۇيىمداستىرىلماعان تۋريزم سالدارىنان تۋريستٸك تابيعي اۋماقتار جاقىن جىلدارى ادامداردىڭ كەرٸ ەسەرٸنە تاپ بولادى. تۋريزمدٸ باسقارۋ – تۋريستەردٸڭ قاجەتتٸلٸگٸن جەنە تۋريستٸك ينفراقۇرىلىم قۇرۋ ارقىلى بيزنەستٸڭ ەكونوميكالىق جاعىن قامتاماسىز ەتۋ ەكەنٸن ۇمىتپاۋ كەرەك. سونداي-اق, تابيعاتتىڭ بيولوگييالىق ەرالۋاندىعى مەن ماڭىزدى ەكولوگييالىق پروتسەستەردٸ ساقتاپ قالۋ كەرەك», - دەيدٸ ول.
سونداي-اق, ول تابيعي اۋماقتارداعى تۋريزمدٸ دامىتۋعا نە كەدەرگٸ ەكەنٸن ايتتى.
«ەلەمدٸك تەجٸريبە كٶرسەتكەندەي, ەرەكشە قورعالاتىن تابيعي اۋماقتارداعى تۋريزمدٸ دامىتۋداعى ەڭ نەگٸزگٸ مەسەلە – تۋريستەردٸ قابىلداۋ مەن قىزمەت كٶرسەتەتٸن مامانداندىرىلعان ورتالىقتاردىڭ, قوناقٷيلەردٸ ورنالاستىرۋدىڭ قازٸرگٸ زامانعى ىڭعايلىلىق دەڭگەيٸنٸڭ, قىزمەت كٶرسەتۋ دەڭگەيٸنٸڭ تٶمەندٸگٸ, ۇسىنىلاتىن قىزمەتتەردٸڭ ساپاسى مەن ولاردىڭ قۇنى اراسىنداعى سەيكەسسٸزدٸك, نىسانداردىڭ قۇرىلىسىنا ينۆەستيتسييالاردىڭ بولماۋى», - دەيدٸ اقتوتى رايىمقۇلوۆا.
