شەشەنستان باسشىسى رامزان قادىروۆ كوممۋنيستەر كٶسەمٸ ۆلاديمير لەنيننٸڭ مٷردەسٸن جەرلەۋگە شاقىردى. "ٶلٸككە قاراي بەرٸپ, جەتەر ەندٸ" دەپ جازدى قادىروۆ Telegram-داعى كانالىندا. ونىڭ پٸكٸرٸنشە, "رەسەيدٸڭ دەل ورتالىعىندا, قىزىل الاڭدا ٶلٸ ادامنىڭ تابىتى تۇرعانى دۇرىس ەمەس".
بۇعان دەيٸن رەسەي فەدەراتسييا كەڭەسٸنٸڭ باسشىسى ۆالەنتينا ماتۆيەنكو لەنيندٸ جەرلەۋ مەسەلەسٸ بويىنشا رەفەرەندۋم ٶتكٸزۋ مٷمكٸندٸگٸ تۋرالى ايتقان. مۇنىڭ الدىندا رەسەي وپپوزيتسيياسىنىڭ ٶكٸلدەرٸ دە رەۆوليۋتسيونەردٸڭ مەيٸتٸن جەرلەۋدٸ بٸرنەشە رەت ۇسىنعان.
لەنيننٸڭ مٷردەسٸن جەرلەۋ تۋرالى مەلٸمدەمە جاساعانداردىڭ بٸرٸ تەلەجٷرگٸزۋشٸ, 2018 جىلعى پرەزيدەنت سايلاۋىنا تٷسۋ نيەتٸ بار كسەنييا سوبچاك بولدى. ول رەسەيدٸڭ باستى الاڭىندا ادام مٷردەسٸنٸڭ جاتۋىن "ەلدەگٸ تۇرمىس سالتىنىڭ ورتا عاسىرلىق دەڭگەيدە ەكەنٸن كٶرسەتەدٸ" دەپ اتادى.
رەسەي پرەزيدەنتٸ ۆلاديمير پۋتين 2016 جىلى لەنيننٸڭ مٷردەسٸن جەرلەۋگە قارسى شىققان. ول بۇل مەسەلەگە قاتىستى "قوعامدا جٸك تۋدىرماۋ ٷشٸن مۇقييات بولۋعا" شاقىرعان.
