مەملەكەتتٸك رەمٸزدەر – ەلٸمٸزدٸڭ تاريحىنان سىر شەرتە
وتىرىپ, بٸزدٸڭ حالىقتىڭ ٶزٸنە عانا تەن كەرەمەت قاسيەتتەرٸن ايشىقتاپ تۇرۋى
قاجەت. سونىمەن قاتار, رەمٸزدەردە بەينەلەنگەن سيمۆولدار, بەلگٸلٸ بٸر تٷسٸندٸرۋدٸ
قاجەت ەتپەۋٸ كەرەك دەپ ويلايمىن. مىسالى, بٸز اقش ەلتاڭباسىندا كٶرسەتٸلگەن
جىرتقىش قۇستىڭ بەينەسٸ ارقىلى, باسقاعا ەمەس, تەك ٶز كٷشٸنە سەنەتٸن قايتپاس-قايسار
حالىقتىڭ سيپاتىن ەلەستەتەمٸز, تٷسٸنەمٸز. سول سيياقتى بٸزدٸڭ تۋىمىزدىڭ اسپان
تٷستەس بولۋى, قىران قۇستاي ەركٸندٸكتٸ قالايتىن, ۇلان-عايىر جەرگە يە نامىستى
حالىقتىڭ وبرازىن سيپاتتاپ تۇر.
دەل وسى سەكٸلدٸ ەنۇرانىمىز شىرقالعان كەزدە بويىمىزدى بٸر ەرەكشە كٷي باۋراپ الىپ, تۇلا بويىمىز شىمىرلاپ, حالقىمىزدىڭ باسىنان كەشٸرگەن قيىن كٷندەر ەلەستەپ, سونى مويىماي جەڭٸپ شىققان حالىق ەكەنٸمٸزدٸ ويلاپ كەۋدەمٸزدٸ ماقتانىش كەرنەيدٸ. بۇل دا ەنۇرانىمىزدىڭ ناقتى, حالىققا ساي ەتٸپ تاڭدالعانىنىڭ كۋەسٸ. سەبەبٸ, بۇرىنعى ەنۇرانىمىزعا قاراعاندا, قازٸرگٸ ەنۇرانىمىزدى جاتقا بٸلمەيتٸن ادام جوق دەسەك قاتەلەسپەيمٸز. ەڭبەكتەگەن سەبيدەن ەڭكەيگەن قارتقا دەيٸن ەنۇراننىڭ ەۋەنٸن ەستٸگەننەن قولدارىن كەۋدەسٸنە قويىپ ەندەتە جٶنەلەتٸنٸن بەرٸمٸز دە كٶرٸپ جٷرمٸز.
ال ەلتاڭباعا كەلەتٸن بولساق, جاستار اراسىندا جٷرگٸزٸلگەن ساۋالنامانىڭ نەتيجەسٸن ەستٸپ كەدٸمگٸدەي ويلانىپ قالدىم. سەبەبٸ, كٶپشٸلٸگٸ ەلتاڭبادا كٶرسەتٸلگەن سيمۆولداردىڭ ماعىناسىن دۇرىس تٷسٸندٸرە الماپتى. بۇل نەنٸ ايتادى?! رەمٸزدەردە كٶرسەتٸلگەن سيمۆولدار سٶزسٸز تٷسٸنٸلۋٸ قاجەت. ول ەشقانداي تٷسٸندٸرۋدٸ, ۇعىندىرۋدى قاجەت ەتپەۋٸ تيٸس. سوندىقتان, ەلتاڭبانى ەلٸمٸزدٸڭ تاريحىنا ساي كەلەتٸن نىشاندارمەن ەرلەپ, تٷسٸنٸكتٸ ەتٸپ قايتا جاساۋعا قارسى ەمەسپٸن. جاستار رەمٸزدەردٸ جاتقا سيپاتتاپ بەرۋٸ تيٸس. قازاقتىڭ قازاقتىعىن تانىتاتىن, سانادا تەز جاتتالىپ قالاتىنداي تاريحي ەستەلٸكتەر, سيمۆولدار بٸزدە جەتكٸلٸكتٸ دەپ ويلايمىن.
راۋان كەمەرباي
لەۆ گۋميلەۆ اتىنداعى ەۇۋ فيلوسوفييا كافەدراسىنىڭ دوتسەنتٸ
فيلوسوفييا عىلىمىنىڭ كانديداتى
