الماتىدا بەلگٸلٸ اكتەر, جۋرناليست راحمان وماروۆتىڭ ەيەلٸ گٷلدەرايىم وماروۆانى پىشاقتاپ كەتكەن ەيەلدٸڭ ٸسٸ بويىنشا سوت باستالدى, دەپ حابارلايدى قازاقپارات تٸلشٸسٸ.
الماتىنىڭ قىلمىستىق ٸستەر بويىنشا اۋدانارالىق مامانداندىرىلعان سوتىندا 30 جاستاعى اقتولقىن سٷلەيمەنوۆا سوت الدىندا جاۋاپ بەرۋدە.
ەيەلگە قر قك 99-بابىنىڭ 1-بٶلٸمٸمەن, 24-بابىنىڭ 3-بٶلٸمٸمەن, 99-بابىنىڭ 2-بٶلٸمٸمەن ايىپ تاعىلىپ وتىر.
ايتا كەتەرلٸگٸ, قايعىلى وقيعا 2018 جىلدىڭ ماۋسىمىندا بولعان ەدٸ.
گٷلدەرايىم وماروۆا اقكەنت شاعىن اۋدانىنداعى پەتەرٸن جالعا بەرٸپ كەلگەن. ماۋسىمنىڭ 26 كٷنٸ ول جالعا الۋ اقىسىن الۋ ٷشٸن پەتەر جالداۋشىلارىنا بارعان.
سول كەزدە پەتەر قوجايىنى مەن جالداۋشىلار اراسىندا كيكٸلجٸڭ تۋىنداعان. داۋ-دامايدىڭ ارتى قايعىلى جاعدايعا ۇلاسقان.
ەكٸ ەيەل گٷلدەرايىمعا بٸرنەشە جەرٸنەن پىشاق سالعان. ەيەل سول جەردە العان جاراقاتىنان كٶز جۇمدى.
