Almatyda belgili akter, jýrnalist Rahman Omarovtyń áieli Gúlderaiym Omarovany pyshaqtap ketken áieldiń isi boiynsha sot bastaldy, dep habarlaidy QazAqparat tilshisi.
Almatynyń Qylmystyq ister boiynsha aýdanaralyq mamandandyrylǵan sotynda 30 jastaǵy Aqtolqyn Súleimenova sot aldynda jaýap berýde.
Áielge QR QK 99-babynyń 1-bólimimen, 24-babynyń 3-bólimimen, 99-babynyń 2-bólimimen aiyp taǵylyp otyr.
Aita keterligi, qaiǵyly oqiǵa 2018 jyldyń maýsymynda bolǵan edi.
Gúlderaiym Omarova Aqkent shaǵyn aýdanyndaǵy páterin jalǵa berip kelgen. Maýsymnyń 26 kúni ol jalǵa alý aqysyn alý úshin páter jaldaýshylaryna barǵan.
Sol kezde páter qojaiyny men jaldaýshylar arasynda kikiljiń týyndaǵan. Daý-damaidyń arty qaiǵyly jaǵdaiǵa ulasqan.
Eki áiel Gúlderaiymǵa birneshe jerinen pyshaq salǵan. Áiel sol jerde alǵan jaraqatynan kóz jumdy.
