31 تامىزدا ارال قالاسىندا 38 جاستاعى ۋچاسكەلٸك پوليتسييا ينسپەكتورىنىڭ زورلىق بەلگٸلەرٸ بار مەيٸتٸ تابىلدى, دەپ حابارلايدى ult.kz كريمينالنىي كازاحستان Telegram ارناسىنا سٸلتەمە جاساپ.
پوليتسييانىڭ مەلٸمەتٸنشە, جانجال كەزٸندە ەر ادام ۋچاسكەلٸك ينسپەكتوردى ۇرىپ-سوققان. العان جاراقاتتارىنان پوليتسەي كٶز جۇمعان. وقيعا كەزٸندە پوليتسييا قىزمەتكەرٸ ەڭبەك دەمالىسىندا بولعان.
قىزىلوردا وبلىسىنىڭ پوليتسييا دەپارتامەنتٸ مارقۇم مەن كٷدٸكتٸنٸڭ بٸر-بٸرٸن بۇرىننان تانىعانىن حابارلادى. بۇعان دەيٸن ۋچاسكەلٸك ينسپەكتور ەر ادامدى وتباسىلىق-تۇرمىستىق قاتىناستار سالاسىنداعى قۇقىق بۇزۋشىلىقتارى ٷشٸن بٸرنەشە رەت ەكٸمشٸلٸك جاۋاپكەرشٸلٸككە تارتقان. وعان قاتىستى قورعاۋ نۇسقامالارى دا شىعارىلعان.
كٷدٸكتٸ – ارال قالاسىنىڭ 39 جاستاعى تۇرعىنى (سۋرەتتە). ونىڭ جەكە باسى انىقتالدى. قازٸر ەر ادامعا ٸزدەۋ جارييالانعان. اتالعان فاكتٸ بويىنشا ادام ٶلتٸرۋ دەرەگٸمەن قىلمىستىق ٸس قوزعالدى.
