الماتى وبلىسىندا حقكو قىزمەتكەرٸ قىزمەتتٸك كٶلٸكپەن 77 جاستاعى ەيەلدٸ قاعىپ, وقيعا ورنىنان كەتٸپ قالعان. جول اپاتىنان اۋىر جاراقات العان ەيەل كٶز جۇمدى. كٶلٸك جٷرگٸزگەن 26 جاستاعى ەر ادام كەيٸن ۇستالىپ, قاماۋعا الىندى, دەپ حابارلايدى ult.kz.
پوليتسييانىڭ مەلٸمەتٸنشە, قايعىلى وقيعا 11 تامىز كٷنٸ كەشكٸ ۋاقىتتا الماتى – شەلەك – قورعاس – بەيسەيٸت تاسجولىندا بولعان. الدىن الا اقپاراتقا سەيكەس, Kia Sorento كٶلٸگٸن باسقارعان جٷرگٸزۋشٸ جولدى بەلگٸلەنبەگەن جەردەن كەسٸپ ٶتٸپ بارا جاتقان 77 جاستاعى ەيەلدٸ قاعىپ كەتكەن.
جول اپاتىنان كەيٸن جٷرگٸزۋشٸ زارداپ شەككەن ەيەلگە كٶمەك كٶرسەتپەستەن, وقيعا ورنىنان كەتٸپ قالعان. كەيٸن پوليتسييا ونىڭ جەكە باسىن انىقتاپ, ۇستادى. قازٸر كٷدٸكتٸ قاماۋدا.
ەلەۋمەتتٸك جەلٸدە تاراعان اقپاراتقا سەيكەس, كٶلٸك تٸزگٸنٸندە بولعان ەر ادام الماتى وبلىسىنداعى حقكو قىزمەتكەرٸ بولعان جەنە جول اپاتى كەزٸندە قىزمەتتٸك كٶلٸكتٸ باسقارعان. سونداي-اق ەلەۋمەتتٸك جەلٸدەگٸ جازبا اۆتورى فيليال باسشىلىعى وقيعانى جاسىرۋعا تىرىسقانىن مەلٸمدەگەن.
بۇل اقپاراتقا قاتىستى «ازاماتتارعا ارنالعان ٷكٸمەت» مەملەكەتتٸك كورپوراتسيياسى تٷسٸنٸكتەمە بەردٸ. كورپوراتسييا فيليال قىزمەتكەرٸنٸڭ قىزمەتتٸك كٶلٸكپەن جول اپاتىنا تٷسكەنٸن راستادى.
وقيعاعا بايلانىستى قىزمەتتٸك تەكسەرٸس جٷرگٸزٸلٸپ, وندا لاۋازىمدى تۇلعالاردىڭ ەرەكەتٸ, ٸشكٸ باقىلاۋ دەڭگەيٸ جەنە قىزمەتتٸك كٶلٸكتەردٸ پايدالانۋ تەرتٸبٸ قارالعان.
تەكسەرۋ قورىتىندىسىندا فيليال ديرەكتورى مەن ونىڭ ورىنباسارى تەرتٸپتٸك جاۋاپكەرشٸلٸككە تارتىلدى.
فيليال ديرەكتورىنىڭ جالپى مەسەلەلەر جٶنٸندەگٸ ورىنباسارىنا قىزمەتتٸك كٶلٸكتٸڭ پايدالانىلۋىن تيٸستٸ دەڭگەيدە باقىلاماعانى جەنە قىزمەتتٸك اقپاراتتىڭ تولىق ەرٸ شىنايى بەرٸلۋٸن قامتاماسىز ەتپەگەنٸ ٷشٸن تەرتٸپتٸك جازا قولدانىلعان.
ال فيليال ديرەكتورى فيليال جۇمىسىن باسقارۋ جەنە باقىلاۋ, ٸشكٸ باقىلاۋ جٷيەسٸن ۇيىمداستىرۋ, سونداي-اق مەكەمە مٷلكٸنٸڭ ساقتالۋى مەن ماقساتتى پايدالانىلۋىن قامتاماسىز ەتۋ مٸندەتتەرٸن تيٸستٸ دەڭگەيدە ورىنداماعانى ٷشٸن جاۋاپقا تارتىلدى.
مەملەكەتتٸك كورپوراتسييا جٷرگٸزۋشٸنٸڭ قىلمىستىق جاۋاپكەرشٸلٸگٸ قۇقىق قورعاۋ ورگاندارى مەن سوتتىڭ قۇزىرەتٸندە ەكەنٸن اتاپ ٶتتٸ.
«جٷرگٸزۋشٸنٸڭ جاۋاپكەرشٸلٸك دەڭگەيٸ مەن سيپاتى قىلمىستىق ٸس پەن سوت تالقىلاۋى اياسىندا قولدانىستاعى زاڭناماعا سەيكەس انىقتالادى», – دەپ مەلٸمدەدٸ «ازاماتتارعا ارنالعان ٷكٸمەت».
مەملەكەتتٸك كورپوراتسييا قازا بولعان 77 جاستاعى ەيەلدٸڭ تۋعان-تۋىستارى مەن جاقىندارىنا كٶڭٸل ايتتى.
