قىتايدىڭ شىعىس جاعالاۋىنا قۋاتتى «دەلفين» (Dolphin) تايفۋنى سوققى بەردٸ. 9 تامىزدا چجەتسزيان پروۆينتسيياسىنا جەتكەن تابيعي اپات نٶسەر جاۋىن مەن قاتتى جەل ەكەلٸپ, سۋ تاسقىنى مەن كٶشكٸن قاۋپٸن كٷشەيتتٸ. جاعالاۋعا شىققان سەتتە جەلدٸڭ جىلدامدىعى ساعاتىنا شامامەن 151 شاقىرىمعا جەتكەن, دەپ حابارلايدى ult.kz.
تايفۋن كٶلٸك قاتىناسىنا دا ايتارلىقتاي ەسەر ەتتٸ. شانحايدىڭ حۋنتسياو جەنە پۋدۋن ەۋەجايلارىندا 1300-دەن استام رەيس توقتاتىلدى. پارومدار مەن تۋريستٸك كەمەلەردٸڭ قوزعالىسىنا شەكتەۋ قويىلىپ, كەيبٸر تەمٸرجول جەنە قالالىق كٶلٸك باعىتتارىنىڭ جۇمىسى بۇزىلدى.
اۋا رايىنىڭ قولايسىزدىعىنا بايلانىستى قىتايدىڭ شىعىسىنداعى قاۋٸپتٸ اۋدانداردان بٸر ميلليوننان استام تۇرعىن ەۆاكۋاتسييالانعانى حابارلاندى. چجەتسزيان, فۋتسزيان, شانحاي جەنە باسقا ٶڭٸرلەردە تٶتەنشە جاعداي قىزمەتتەرٸ كٷشەيتٸلگەن رەجيمدە جۇمىس ٸستەپ جاتىر.
شانحايدا نٶسەر سالدارىنان بٸرقاتار اۋدان سۋ استىندا قالىپ, كٶشەلەردەگٸ سۋ دەڭگەيٸ كٷرت كٶتەرٸلدٸ. كەي جەرلەردە تەۋلٸكتٸك جاۋىن-شاشىن مٶلشەرٸ رەكوردتىق كٶرسەتكٸشكە جەتكەن. تايفۋن قۇرلىققا شىققاننان كەيٸن ەلسٸرەگەنٸمەن, ماماندار نٶسەر جاۋىننىڭ جالعاسۋىنا بايلانىستى ٶزەندەردٸڭ تاسۋى مەن جەر كٶشكٸنٸ قاۋپٸ ەلٸ دە جوعارى ەكەنٸن ەسكەرتتٸ.
«دەلفين» 2026 جىلى قىتاي اۋماعىنا سوققى بەرگەن ەڭ قۋاتتى تروپيكالىق تسيكلونداردىڭ بٸرٸنە اينالدى. تايفۋن قىتايعا جەتكەنگە دەيٸن جاپونييانىڭ وكيناۆا ايماعىنا ەسەر ەتٸپ, ەلەكتر جەلٸلەرٸنە زاقىم كەلتٸرگەن. ونىڭ ىقپالى تايۆان مەن فيليپپيندە دە سەزٸلدٸ.
قىتاي بيلٸگٸ تۇرعىندارعا اۋا رايى تۋرالى رەسمي ەسكەرتۋلەردٸ باقىلاپ, سۋ باسۋ جەنە كٶشكٸن قاۋپٸ بار اۋداندارعا بارماۋعا كەڭەس بەرٸپ وتىر.
